Un desastroso parcial condena o Arxil ante o Rioja (93-67)
Por Redacción
Tócalle ao Arxil volver de Guipúscoa con mal sabor de boca tras o partido ante o Rioxa no que non soubo sobrepoñerse e superar ás locais, que, pola súa banda, gozan dunha boa posición na táboa con 7 vitorias esta tempada (terceiras con 19 puntos despois do encontro deste sábado). As de Mayte Méndez, con todo, continúan, a falta dun partido para as vacacións, cunha soa vitoria esta tempada.
A pesar de que as pontevedresas finalizaron o primeiro parcial por detrás no marcador, non todo parecía estar perdido, xa que souberon manter o tipo ante as vascas (19-13). Con todo, os seguintes 10 minutos foron determinantes. Un resultado abafador no segundo cuarto (22-8), fixo inclinar a balanza cara o lado das locais, (41-21 no total). Desta forma, o partido foise ao descanso cunha vantaxe de 20 puntos para as do Rioxa.
Tras o paso polos vestiarios, as arxilistas volveron á pista máis centradas. Aínda que os resultados dos dous últimos parciais foron moito mais parellos, a diferenza arrastrada ata o momento supuxo unha losa demasiado pesada.
Durante o terceiro cuarto, estas recortaron distancias, pero non foi suficiente, xa que as locais acabaron gañando cunha diferenza de 25 puntos (68-43). Aínda así, as de Méndez non viñeron abaixo e a pesar dunha contundente derrota final (93-67), seguiron pelexando durante os últimos 10 minutos do partido.
Finalmente e a pesar dos intentos visitantes, as cartas estaban botadas e as 'verdes' terían que regresar a Pontevedra cunha derrota máis ás costas, pero coas esperanzas postas en reivindicarse no último partido antes do parón do Nadal e, sobre todo, nos que faltan por disputarse o próximo ano.
Relacionadas:
-
Semanas de peregrinación no Arxil para preparar o regreso da Liga Feminina 2
Por Diego Espiño |
-
O CB Arxil despide o ano ao grande ante o Segle XXI (63-62)
Por Sofía Lorenzo |
-
O Arxil, ante unha partido clave na despedida de 2018
Por Redacción |
-
O Arxil cumpre 34 tempadas de paixón polo baloncesto
Por Redacción & Mónica Patxot |
-
Un Arxil mellorado roza a sorpresa pero cae na prórroga fronte ao Ardoi (70-73)
Por Redacción |
-
O Arxil volve á realidade e perde ante o Maristas Coruña (79-60)
Por Redacción |
-
O Arxil esperta e suma, por fin, a súa primeira vitoria ante o ABDA avilés (82-56)
Por Sofía Lorenzo & Diego Torrado |