Carlos García-Álen, único candidato nas eleccións á presidencia do Teucro
Por Redacción
O proceso electoral iniciado na Sociedad Deportiva Teucro viviu este luns unha data clave co peche do período habilitado para a presentación de candidaturas á presidencia.
Finalizado o prazo establecido no calendario electoral, non se produciron sorpresas e unha única candidatura formalizou a súa inscrición, a encabezada polo ata agora presidente Carlos García-Alén.
O dirixente teucrista seguirá así catro anos máis á fronte da entidade, no que será o seu terceiro mandato.
García-Alén cumpriu este luns co trámite de presentar polo menos o 10% de avais dos socios entregando a documentación na sede do Pavillón Municipal dos Deportes.
Finzalizado o prazo de presentación de candidaturas, o proceso electoral pecharase o vindeiro xoves 20 de decembro coa asemblea de socios na que será proclamando oficialmente presidente do Teucro. Esta asemblea está previsto que se celebre na residencia de estudantes de Afundación (20:00 horas primeira convocatoria e 20:30 horas segunda convocatoria).
Relacionadas:
-
García-Alén abre unha crise no Teucro ao anunciar aos seus compañeiros de directiva que deixa a presidencia
Por Redacción |
-
Continuidade para o terceiro proxecto de Carlos García-Alén na presidencia do Teucro
Por Diego Espiño |
-
Un Teucro de circunstancias cae en Copa en Torrelavega (24-22)
Por Redacción |
-
A Copa do Rei como terapia para un 'tocado' Teucro
Por Redacción |
-
O Teucro abre o seu proceso electoral á presidencia
Por Diego Espiño |
-
A débeda do Teucro segue reducíndose e Carlos García-Alén anuncia a súa candidatura á reelección
Por Ramiro Espiño |