Continuidade para o terceiro proxecto de Carlos García-Alén na presidencia do Teucro
Por Diego Espiño
A Sociedade Deportiva Teucro deu por concluído este xoves o seu proceso electoral coa proclamación, por terceiro mandato, de Carlos García-Alén como presidente para o próximos catro anos, ao ser a única candidatura formalizada.
O dirixente apostará por dar continuidade ás ideas postas en marcha nos últimos anos, pivotando sobre varios aspectos. O primeiro deles será un primeiro equipo que se quere manter "en la máxima categoría posible".
Ademais preténdese "recuperar la base y la parte femenina del club porque estos años perdimos algún equipo", sinalou o máximo responsable teucrista antes de centrar a súa atención no aspecto económico, no que a prioridade segue sendo "asegurar la viabilidad del club" reducindo a débeda existente.
Neste sentido a vía debe ser o "incremento de ingresos" que permita "no tener tanta dependencia de las administraciones", tendo en conta que "en el caso del Concello llevamos dos años de retraso en las ayudas y eso nos lastra", explicou García- Alén.
O recentemente presentado proxecto Ideas & Empresa, co que o Teucro pretende fortalecer o vínculo cos seus patrocinadores, avanza por este camiño co obxectivo ambicioso de "poder incrementar la facturación cerca de 100.000 euros".
Para iso no que será o seu terceiro mandato a xunta directiva que lle rodea contará con caras novas, pasando dos 6 membros que empezaron a tempada á ducia de integrantes.
Carlos García- Alén foi proclamado de novo presidente do Teucro nunha asemblea de socios celebrada na residencia de estudantes de Afundación.
Relacionadas:
-
García-Alén explica a súa dimisión: "El Teucro necesita mayor dedicación de la que ahora puedo dar"
Por Diego Espiño |
-
García-Alén abre unha crise no Teucro ao anunciar aos seus compañeiros de directiva que deixa a presidencia
Por Redacción |
-
O Teucro salva 'in extremis' unha sanción por falta de pagamento de arbitraxes
Por Diego Espiño |
-
O Teucro volve ao traballo mentres segue á caza dun último reforzo
Por Diego Espiño |
-
Vicente Poveda convértese no primeiro reforzo de inverno do Teucro
Por Redacción |
-
O Teucro gaña o Torrelavega pero queda eliminado da Copa (29-27)
Por Diego Espiño & Mónica Patxot |
-
Un Teucro de circunstancias cae en Copa en Torrelavega (24-22)
Por Redacción |
-
Carlos García-Álen, único candidato nas eleccións á presidencia do Teucro
Por Redacción |
-
O Teucro abre o seu proceso electoral á presidencia
Por Diego Espiño |