Lydia Pérez, ouro nacional e rumbo ao Europeo Sub-23
Por Diego Espiño
Gran papel o protagonizado polo Club de Loita Pontevedra no Campionato de España Absoluto de Loitas Olímpicas celebrado a fin de semana en Santiago de Compostela.
Dous eran os representantes do club pontevedrés, Lydia Pérez e Pablo García, e ambos os dous lograron subir ao podio nas súas respectivas categorías.
O mellor resultado foi o de Lydia Pérez, ao facerse coa medalla de ouro na proba de 62 quilos. Venceu na rolda inicial á madrileña Alba Rodríguez e á vasca María del Mar Gaitán, á que superou despois tamén na gran final. Ademais na semifinal desfíxose da madrileña Ana Talaverano.
Tras esta cita, a deportista pontevedresa afronta agora un dos seus grandes obxectivos do ano no Campionato de Europa Sub-23 que comeza este martes 5 de marzo en Novi Sad (Serbia).
En canto ao Nacional, tamén Pablo García logrou pisar o caixón na competición de loita libre de 74 quilos, aínda que tivo que conformase coa medalla de prata ao caer nunha apertada final ante o catalán Jonathan Álvarez. Antes, en semifinais superara ao madrileño Marco Cairo e en cuartos de final ao catalán Mohammad Ahmadi.
Relacionadas:
-
Lydia Pérez cae nos cuartos de final do Mundial Sub-23 de loita
Por Redacción |
-
A moldava Mariana Cherdivara elimina a Lydia Pérez no Europeo de Loita
Por Redacción |
-
Pablo García e Lydia Pérez preparan o Europeo Absoluto de loitas olímpicas
Por Redacción |
-
Lydia Pérez, fóra das roldas finais do Europeo Sub-23 de loita
Por Diego Espiño |
-
O Club de Loita Pontevedra pon as súas miras no Nacional Absoluto
Por Redacción |
-
Lydia Pérez, seleccionada para participar en Rusia nun 'Training Camp' internacional
Por Redacción |
-
O futuro da loita olímpica nacional pasa polo CGTD
Por Redacción |