O Multiusos da Xunqueira reabrirá o vindeiro luns 1 de abril
Por Diego Espiño
Xa hai data para a reapertura do pavillón Multiusos da Xunqueira tras a profunda renovación á que foi sometido nos próximos meses.
Será a partir do próximo luns 1 de abril, data na que a concellería de Deportes convocou aos clubs deportivos da cidade para que retomen o horario de adestramento que lles foi asignado nas reformadas instalacións.
Os técnicos municipais teñen previsto este venres certificar a obra, requisito indispensable para a recepción por parte do Concello.
Ponse así fin a unha situación que complicaba o día a día das entidades deportivas e que acumulaba un importante atraso, tendo en conta que estaba prevista a súa apertura no principio do ano.
Desde o Concello sinalaron que esta demora foi causada polo descubrimento de pingueiras na cuberta, o que obrigou a realizar traballos de impermeabilización nunha zona que non estaba prevista.
O proxecto de renovación do Multiusos levouse a cabo cun orzamento de 1,9 millóns de euros, e supuxo entre outras cousas o cambio da cristalería nos laterais do pavillón, unha instalación nova de electricidade, fontanería, sistemas antincendios, novas caldeiras e sistema de quecemento de auga a través de placas solares.
Ademais cambiáronse as dúas pistas deportivas, mellorouse o equipamento e reformáronse os 18 vestiarios para equipos, os tres para árbitros e os almacéns.
Relacionadas:
-
Proteccións para as columnas do renovado pavillón Multiusos
Por Redacción |
-
O renovado multiusos da Xunqueira, preparado para o inicio dunha nova tempada deportiva
Por Redacción |
-
O PP denuncia a aparición de filtracións de auga nos pavillóns Municipal e Multiusos
Por Redacción |
-
Cidadáns Pontevedra critica o atraso na apertura do Pavillón Multiusos da Xunqueira
Por Oskar Viéitez |
-
O novo multiusos da Xunqueira "con animaliños" estará listo a mediados de xaneiro
Por Oskar Viéitez |