Esixente proba para o Poio Pescamar en Burela
Por Redacción
A vitoria da pasada fin de semana ante o Roldán relanzou o Poio Pescamar no seu obxectivo de alcanzar a terceira praza da táboa na Primeira División, o que sería a mellor clasificación da súa historia.
O conxunto vermello atópase empatado a puntos co murciano, actual campión de liga na máxima categoría, no medio dunha igualada pelexa con outros equipos, xa que entre o terceiro e o sexto, Ourense Envialia, hai só dous puntos de distancia.
No medio de todo iso, o equipo adestrado por Dani Díaz afrontará o sábado (17:15 horas) un dos encontros máis complicados do curso, ao visitar a pista do líder Burela. O conxunto lucense só perdeu un encontro en liga e necesita os puntos para non poder a vantaxe que ten sobre o segundo clasificado, o Atlético Navalcarnero.
Un derbi de altos voos que é todo un reto para o Poio Pescamar e que pode supoñer un reforzo nas súas aspiracións e moral no tramo final de tempada pensando no que aparece como segundo gran obxectivo, a Copa de España.
Dani Díaz espera poder contar con todo o seu plantel para a cita, aínda que Iria Saeta é dúbida por problemas físicos.
Relacionadas:
-
Tres novos puntos ante o Roldán para un Poio que pelexa polo máis alto (2-0)
Por Sofía Lorenzo & Diego Torrado |
-
Éxito de participación no segundo Desafío de Porteiros organizado polo Poio Pescamar
Por Redacción |
-
Paso atrás do Poio Pescamar que se estrela ante a boa defensa do Guadalcacín (0-0)
Por Redacción |