O Froiz, convidado a participar no Tour das Árdenas xunto ao pelotón profesional
Por Redacción
O Grupo Deportivo Supermercados Froiz verá as caras con algunhas das escuadras con máis soleira do pelotón profesional como o belga Lotto Soudal ou os franceses Direct Energie e AG2 R la Mondiale.
Eses son só algúns dos equipos profesionais que participarán entre o 12 e o 14 de abril no prestixioso Tour das Árdenas que se celebra entre Francia e Bélxica.
A organización da rolda convidou a participar ao Froiz como mellor equipo amateur español, todo un reto no que deberá superar a dureza que caracteriza ao percorrido e dificultades como tramos de lastra ou esterrato.
Serán 4 etapas en 3 xornadas. A primeira etapa de 189 quilómetros e catro cotas de montaña, a segunda de 160 quilómetros e 8 cotas de montaña e na última xornada haberá dous sectores, o primeiro pola mañá de 60 quilómetros e 5 cotas de montaña e o segundo con 106 quilómetros con 6 cotas de montaña finalizando en Montcy-Notre Dame.
Guillermo García, Martín Lestido, Aaron Mariño, Diego Noriega, Iván Martínez e Jake Wright defenderán as cores do Froiz nesta competición.
Relacionadas:
-
O Froiz volve á carga en Padrón coa Clásica de Pascua
Por Redacción |
-
Bo sabor de boca no Froiz tras medirse con profesionais nas Árdenas
Por Redacción |
-
Diego Noriega roza o triunfo para o Froiz no prestixioso Memorial Valenciaga
Por Redacción |
-
Xornada positiva para o Froiz na Copa de España
Por Redacción |
-
Guillermo García lidera a xeneral das metas volantes na quinta proba da Copa España
Por Redacción |