A cuarta vitoria consecutiva do Pontevedra pasa por Coruxo
Por Diego Espiño
O estadio vigués do Vao dividirase este domingo (18:00 horas, TVG2) entre o verde do seu equipo, o Coruxo e o granate dun Pontevedra que busca a súa cuarta vitoria consecutiva en liga para pisar, por primeira vez esta tempada, os postos que dan acceso ao play-off de ascenso.
Os de Luismi están a un punto da cuarta praza e queren aproveitar o seu bo momento ante un rival difícil de bater, como testemuñan as 13 xornadas que acumula sen perder (9 empates, os 6 últimos consecutivos).
"Para mí el Coruxo con el Castilla y la Cultural a nivel de fútbol combinativo son los tres equipos que mejor lo practican", recoñece o técnico pontevedrés, que pide aos seus "mucha concentración".
Ante a solidez do conxunto vigués o Pontevedra tira de ilusión ante o obxectivo polo que pelexa nas seis últimas xornadas de campionato. "Contra la ilusión y nuestro sueño nadie va a poder", reforza Luismi.
As baixas non serán un problema nesta ocasión para o Pontevedra, que só contou esta semana cun xogador mermado, Álex González, mentres que o Coruxo perderá por sanción un futbolista importante, o centrocampista Antón de Vicente.
Non estará só o equipo granate no Vao, xa que se espera unha importante presenza de afeccionados pontevedreses nas bancadas, xa sexa a través da viaxe organizada en autocares polo club ou en coches particulares.
As entradas para o duelo terán un prezo único de 10 euros (gratis para os menores de 14 anos) e o colexiado do encontro será o catalán Albert Ávalos Martos.
Relacionadas:
-
Suma e segue dun Pontevedra que gaña en Coruxo (0-1) e alcanza postos de play-off
Por Diego Espiño & Diego Torrado |
-
A xornada entre Pontevedra e Rápido de Bouzas, en Xoves Santo
Por Diego Espiño |
-
Churre, convencido de poder xogar o play-off: "Depende de nosotros"
Por Diego Espiño |
-
A 'Marea Granate' organízase para subir en Coruxo
Por Redacción |
-
Tres puntos para soñar dun enorme Pontevedra ante o Sanse (3-1)
Por Ramiro Espiño & Diego Torrado |