Viaxe organizada para acompañar o Pontevedra ante o Unión Adarve
Por Redacción
Despois de tres días de merecido descanso, saboreando aínda o triunfo do xoves ante o Rápido de Bouzas, co inicio da semana e a volta ao traballo do primeiro equipo no Pontevedra, todos no club granate están centrados xa na próxima batalla, a que os enfrontará o vindeiro domingo (12:00 horas) no feudo do Unión Adarve.
Tamén o fai a directiva pontevedresa, que anunciou a posibilidade de viaxar nun desprazamento organizado polo club para apoiar o equipo en Madrid.
Así, os afeccionados que o desexen, poderán acudir ao partido en autocar por un prezo de 40 euros (entrada ao partido incluída). A caravana granate partirá desde o Pavillón Municipal dos Deportes ás 2:00 horas da madrugada do mesmo domingo 28 de abril para regresar á conclusión do encontro.
Os interesado poden anotarse nas oficinas do Pontevedra en horario de 9:00 a 14:00 e de 16:00 a 19:00 horas.
Non será un duelo sinxelo para os de Luismi, que chegan tras cinco vitorias consecutivas, e é que o Unión Adarve atópase nunha situación comprometida e loitando pola permanencia na categoría, ao ocupar o posto 18 con 33 puntos, a 6 da praza de play-out cando quedan só 12 en xogo.
Relacionadas:
-
O Pontevedra, a continuar a súa xeira positiva no feudo dun necesitado Unión Adarve
Por Diego Espiño |
-
Inoportuna lesión de Kevin Presa, baixa por unha rotura muscular
Por Diego Espiño |
-
A herba sintética, unha dificultade extra para o Pontevedra
Por Diego Espiño |
-
Tres días de descanso antes do emocionante sprint final
Por Diego Espiño |
-
Máis preto do soño. O Pontevedra camiña con paso firme derrotando con autoridade ao Bouzas (3-1)
Por Ramiro Espiño & Diego Torrado |