Horario unificado para as dúas últimas xornadas de liga na Segunda B e Terceira División
Por Redacción
A Real Federación Española de Fútbol acordou a unificación de horarios para as dúas últimas xornadas de competición tanto na Segunda División B como, de acordo con algunha territorial como a galega, na Terceira División para os encontros que aínda teñan transcendencia clasificatoria.
É o caso do Pontevedra Club de Fútbol na categoría de bronce, que previsiblemente nas dúas últimas datas da competición regular e ante rivais directos xogarase a súa clasificación para a fase de ascenso.
Desta forma os granates xa saben que na xornada 37 de liga recibirán ao Atlético de Madrid B no Estadio Municipal de Pasarón o domingo 12 de maio ás 18:00 horas, mentres que pecharán a liga na cidade deportiva do Real Madrid en Valdebebas o domingo 18 de maio tamén ás 18:00 horas ante o Castilla.
Pola súa banda a Real Federación Galega de Fútbol deu o visto e prace á unificación cos mesmos horarios para a Terceira División, domingos 12 e 18 de maio ás 18:00 horas.
Esta medida afectaría os duelos, entre outros, Arosa-Ribadumia e Alondras-Céltiga na xornada 37 e Ribadumia-Rácing de Ferrol, Céltiga-Silva e Somozas-Arosa na xornada 38 en caso de chegar con opcións no que respecta aos seus diferentes obxectivos.
Relacionadas:
-
'Déjà vu' do Pontevedra cunha derrota nas Palmas que complica a fase de ascenso (2-1)
Por Diego Espiño |
-
O Pontevedra viaxa a Canarias sen Adrián León a enfrontarse ás súas meigas
Por Diego Espiño |
-
A presenza de Adrián León ante o Las Palmas Atlético, "en el aire"
Por Diego Espiño |
-
Manu Rodríguez mantén mínimas esperanzas para o Arosa tras vencer o Laracha (1-0)
Por Redacción |
-
Sen Churre nin Kevin para viaxar a Gran Canaria
Por Redacción |
-
O Pontevedra B cumpre os seus soños de ascenso despois de catro tempadas en Primeira Rexional
Por Sofía Lorenzo |
-
O Arosa di adeus casi a toda posibilidade de entrar na fase de ascenso ao caer ante o Arenteiro (2-1)
Por Redacción |
-
Un irrecoñecible Pontevedra cae da zona de play-off ao perder ante o Unión Adarve (3-0)
Por Diego Espiño |