Dezasete medallas e un record galego, exitoso balance do Galaico en Ferrol
Por Redacción
Dez ouros, tres pratas e catro bronces e, como colofón, un record galego na remuda mixta de 4x100 estilos. Dificilmente a participación do Club Natación Galaico puido ir mellor no Memorial Internacional Juan Varela, celebrado esta fin de semana en Ferrol.
O club pontevedrés tivo representación nas categorías infantil, junior e absoluta, logrando o segundo posto na competición, só por detrás do Ponteareas.
Daniel Sánchez, Bea Gómez, María Vilas e Enol Valdés foron os grandes protagonistas da proba ao asinar o record galego da remuda mixta 4x100 estilos, rebaixando a marca vixente en case seis segundos e deixándoa nun tempo de 4:05.39
A nivel individual, María Vilas logrou catro ouros ao sumar tamén o triunfo en 1.500 e 400 libres e 200 bolboreta; mentres que Daniel Sánchez, pola súa banda, conseguiu outros dous ouros en 50 e 100 costas e un bronce en 100 libres. Bea Gómez logrou tamén o ouro en 400 estilos e as pratas en 1.500 e 400 libres e Enol Valdés sumou ao ouro da remuda a prata en 50 libres e o bronce en 200 libres.
A eles sumáronse os bronces de Carla Goyanes en 400 libres e en 400 estilos.
Na Táboa Fina, Bea Gómez levou o primeiro premio e Daniel Sánchez e María Vilas o segundo, o que demostra o seu gran papel na competición.
Relacionadas:
-
Pontemuíños, escenario da gran competición da natación galega
Por Redacción & Cristina Saiz |
-
Carla Goyanes clasifícase para o Europeo Júnior de natación en augas abertas
Por Redacción |
-
Quinto título consecutivo do Natación Galaico na División de Honra galega
Por Redacción |
-
O Natación Galaico consegue o terceiro posto no Trofeo de Avilés
Por Redacción |