Yokohama, segunda parada do ano para Gómez Noya nas Series Mundiais
Por Redacción
Tras a súa exhibición en Pontevedra, onde se proclamou campión do Mundo de longa distancia, Javier Gómez Noya regresa este sábado 18 de maio á competición en modalidade olímpica na cita das Series Mundiais que se disputa en Yokohama, Xapón.
Será a súa segunda parada do ano na máxima competición internacional no seu empeño por volver ser competitivo na distancia e achegarse á clasificación olímpica.
A súa volta ás Series Mundiais foi todo un éxito, cunha medalla de prata en Bermuda, pero agora busca a confirmación no mesmo país no que se disputarán dentro dun ano os Xogos.
A carreira de Yokohama disputarase baixo distancia olímpica (1.500 metros de natación, 40 quilómetros de ciclismo e 10 quilómetros de carreira a pé).
Xunto a Gómez Noya encabeza a delegación española o actual campión do Mundo, o mallorquino Mario Mola, que quere esquecer a súa mala carreira en Bermuda. Ademais estarán presentes o vigués Antonio Serrat, Fernando Alarza e Vicente Hernández.
En canto ao resto de aspirantes, na liña de saída estará o vencedor na última proba das Series Mundiais, Dorian Coninx, o mozo Alex Yee que foi segundo en Abu Dhabi, Henri Schoeman, Kristian Blummenfelt, Vincent Luís e Jonathan Brownlee, entre outros.
A carreira elite masculina dará a súa saída ás 13:00 horas en Xapón (6:00 horas da mañá en España), e poderá seguirse en directo pola canle pública Teledeporte.
Relacionadas:
-
Javi Gómez Noya, bronce nas Series Mundiais de Leeds
Por Redacción |
-
Gómez Noya queda ás portas do podio nas Series Mundiais de Yokohama
Por Redacción |
-
Javi Gómez Noya: "Foi duro, pero competir na casa dá alas e puiden sufrir, loitar e dar o mellor de min mesmo"
Por Sofía Lorenzo & Xan Xiadas |
-
VÍDEO.- Pontevedra explota de xúbilo co ouro mundial de Gómez Noya e a prata de Pablo Dapena
Por Diego Espiño & Xan Xiadas |
-
Brillante medalla de prata para Gómez Noya en Bermuda na súa volta ás Series Mundiais
Por Diego Espiño |
-
Noya regresa quinto ao calendario ITU na Copa do Mundo de New Plymouth
Por Sofía Lorenzo |