Antía Jácome, Carolina García e Sergio Vallejo, protagonistas da segunda xornada do selectivo nacional en Verducido
Por Redacción
Segunda xornada de control selectivo para o piragüismo nacional nas instalacións do encoro de Pontillón do Castro, en Verducido, e segundo día de éxito para os deportistas locais.
Este xoves era a quenda dos barcos individuais, e non puido ir mellor a competición para o piragüismo pontevedrés.
Iniciouse o día a proba de canoa C-1 200 metros en idade sub-23, na que se impuxo Antía Jácome (EP Ciudad de Pontevedra) con case un segundo de vantaxe sobre María Corbera, mentres que Patricia Coco sería terceira. Desta forma lograba o seu segundo billete para a Copa do Mundo de Duisburg, tras o conseguido o mércores no C-2 500 metros.
A testemuña tomouno uns minutos despois Sergio Vallejo (Piragüismo Poio Pescamar) en categoría sénior para conseguir tamén o seu particular dobrete. Se o primeiro día de selectivo lograba a clasificación no C-2 1.000 metros xunto a Adrián Sieiro, esta vez repetía na proba individual e sobre a mesma distancia tras unha carreira moi táctica na que controlou aos seus rivais ata impoñerse nos últimos 200 metros.
A última proba da mañá tería tamén protagonista pontevedresa con Carolina García (Ciudad de Pontevedra), que vencía no kaiak individual sub-23 sobre 500 metros facendo valer a súa condición de favorita e repetindo o seu triunfo de 200 metros que lle leva directa ao Campionato do Mundo da categoría que se celebrará en Pitesti (Romanía).
Ademais disputouse a final masculina de K-1 1.000 metros en categoría xuvenil, na que Miguel Paz (Piragüismo Verducido) foi oitavo.
Relacionadas:
-
Reto de altura para o deporte pontevedrés nos Xogos Europeos de Minsk
Por Diego Espiño |
-
O piragüismo pontevedrés ponse a proba na Copa do Mundo de Duisburg
Por Redacción |
-
Os Xogos Europeos en Minsk, no punto de mira do deporte pontevedrés
Por Diego Espiño |
-
A Copa de España Cadete, novo evento nacional no encoro de Pontillón do Castro
Por Redacción |
-
Bos resultados para o piragüismo pontevedrés na Copa de España Sprint en Verducido
Por Redacción |
-
O piragüismo pontevedrés confirma o seu bo momento na última xornada do selectivo nacional
Por Redacción |
-
Adrián Sieiro, Sergio Vallejo e Antía Jácome selan no selectivo de Verducido a súa clasificación para os Xogos Europeos
Por Diego Espiño |
-
Os clubs pontevedreses, protagonistas no primeiro Campionato Galego de piragüismo de fondo
Por Redacción |
-
Antía Jácome, Sergio Vallejo y Noel Domínguez premiados pola Federación Galega de Piragüismo
Por Almu Dapena |
-
Adrián Sieiro e Sergio Vallejo quedan sen podio no Mundial de piragüismo... por 43 milésimas!
Por Redacción |