O piragüismo pontevedrés confirma o seu bo momento na última xornada do selectivo nacional
Por Redacción
A terceira e última xornada do control selectivo nacional organizado pola Real Federación Española de Piragüismo no encoro de Pontillón do Castro, Verducido, resultou de novo moi frutífera para o deporte pontevedrés, conseguindo a clasificación para as próximas citas internacionais.
Martín Jácome (Ciudad de Pontevedra) daba a primeira alegría no C-2 1.000 metros xuvenil xunto ao seu compañeiro de embarcación Cayetano García, entrando en meta na primeira posición.
Pouco despois María Pérez (Naútico O Muíño) facíase coa vitoria no C-2 500 sub-23 facendo equipo con Raquel Dacosta, logrando a clasificación para o mundial. Ambas as deportistas certificaban unha magnífica actuación durante estes tres días de competición e a este resultado téñenlle que engadir o seu pase para competir nos Xogos Europeos da categoría absoluta.
E sen tempo para respirar Carolina García (Ciudad de Pontevedra) finalizaba por terceira xornada en primeira posición no kaiak, esta vez en formando parella coa balear Aida Bauza na distancia de 500 metros.
A xeira de vitorias finalizaría coas dúas canoístas xuvenís da EP Ciudad de Pontevedra, Ángela Jorge e Antía Otero, na final de C-2 500 metros na que se impuxeron á parella formada por Valeria Oliveira e Antía Romero.
COPA DE ESPAÑA
O Complexo Deportivo David Cal situado no encoro de Pontillón do Castro de Verducido, seguirá sendo durante a fin de semana o epicentro do piragüismo nacional con motivo da disputa da Copa de España de 200 e 500 metros para as categorías júnior e sénior.
Preto de cincocentos padeeiros pertencentes a 75 equipos mediranse nunha cita que se dividirá en dúas xornadas. Así ben, para o sábado están previstas as probas individuais tanto de canoa como de kaiak, nun maratoniano programa que arrincará ás 8.30 horas e, tras un parón ás 14:30 horas, renovarase ás 16:30 horas para finalizar contorna ás oito da tarde. Mentres que o domingo será a quenda para as embarcacións dobres, cunha segunda xornada que se iniciará á mesma hora que o día anterior e cuxa conclusión está prevista ao redor das dúas da tarde.
Relacionadas:
-
Reto de altura para o deporte pontevedrés nos Xogos Europeos de Minsk
Por Diego Espiño |
-
O piragüismo pontevedrés ponse a proba na Copa do Mundo de Duisburg
Por Redacción |
-
Os Xogos Europeos en Minsk, no punto de mira do deporte pontevedrés
Por Diego Espiño |
-
Segundo posto para o Ciudad de Pontevedra na Copa de España Cadete de piragüismo celebrada en Verducido
Por Redacción |
-
A Copa de España Cadete, novo evento nacional no encoro de Pontillón do Castro
Por Redacción |
-
Bos resultados para o piragüismo pontevedrés na Copa de España Sprint en Verducido
Por Redacción |
-
Antía Jácome, Carolina García e Sergio Vallejo, protagonistas da segunda xornada do selectivo nacional en Verducido
Por Redacción |
-
Adrián Sieiro, Sergio Vallejo e Antía Jácome selan no selectivo de Verducido a súa clasificación para os Xogos Europeos
Por Diego Espiño |