Guillermo García e Diego Noriega danlle ao Froiz catro medallas nos campionatos galegos de ciclismo
Por Redacción
As Pontes e Cenlle acolleron durante a ponte festiva os campionatos de Galicia de ciclismo de fondo na estrada, con nutrida representación de corredores do Grupo Deportivo Supermercados Froiz.
Dous deses ciclistas, Guillermo García e Diego González, repetiron presenza no podio tanto na loita contra o crono como na proba en roteiro.
As Pontes foi escenario primeiro da competición contrarreloxo, na que Diego González proclamouse campión en idade sub-23 con Guillermo García na segunda posición e a só 1 segundo de distancia.
Este domingo chegaba á súa vez a carreira en roteiro, coincidindo coa Volta ao Ribeiro. Así por unha banda estaba en xogo a volta e por outra, só para os ciclistas galegos, o título autonómico.
A proba adxudicouna o arxentino Julián Barrientos (Vigo-Rías Baixas), triunfo que se cimentou nunha fuga ao comezo dos 130 quilómetros de percorrido na que tamén se atopaba, entre outros, Juan Carlos Amil (Froiz).
Barrientos demostrou ser o máis forte da escapada e chegou a meta con escasa marxe sobre o pelotón, no que o ourensán Iván Feijóo gañou ao sprint o Campionato Gallego sub-23, con Guillermo García na segunda posición e Diego González en terceira.
Relacionadas:
-
Protagonismo do Froiz na Selección Galega que participará no Campionato de España de Ciclismo en Ruta
Por Redacción |
-
Iván Martínez dálle unha alegría ao Froiz en Salamanca
Por Redacción |
-
O surafricano Marc Pritzen reforza o Froiz ata final de tempada
Por Redacción |
-
Semana de voltas para o Froiz
Por Redacción |
-
Diego Noriega consegue para o Froiz o triunfo no campionato cántabro elite contrarreloxo
Por Redacción |
-
Bo sabor de boca no Froiz tras medirse con profesionais nas Árdenas
Por Redacción |
-
Diego Noriega roza o triunfo para o Froiz no prestixioso Memorial Valenciaga
Por Redacción |