Arantxa Mallou pecha, de momento, a súa etapa no Arxil para centrarse en aprobar o MIR
Por Diego Espiño
O Club Baloncesto Arxil perde a unha xogadora que fora clave no equipo durante as últimas dúas tempadas e medio, Arantxa Mallou.
A xogadora compostelá aparca momentaneamente a súa carreira deportiva para afrontar outro reto centrado na súa vida profesional lonxe das canchas de xogo, o da medicina, xa que Mallou dedicarase durante os próximos meses a preparar de forma intensiva o exame de especialidades médicas (MIR) en Oviedo.
"Para mí no es un adiós al baloncesto, pero quiero luchar por otro sueño igual que lucho por el del baloncesto", explicou a base-escolta compostelá na súa despedida do Arxil, comparecendo xunto á súa adestradora, Mayte Méndez, desde a Parrillada Servando.
"Han sido unos años imprescindibles en mi carrera profesional", sinalou en referencia ao seu paso polo Arxil, club ao que se adaptou á perfección.
"Le deseamos toda la suerte del mundo", asegurou á súa vez Mayte Méndez, quen cre que "vamos a presicindir de mucho más que una jugadora. No es sólo lo que aporta, es lo que da, tanto su labor dentro del equipo como lo que proporciona a las compañeras es muy difícil conseguir hoy en día", recoñeceu a adestradora.
Con todo, no Arxil quixeron deixar a porta aberta ao seu regreso se se dan as condicións. "Ya le hemos dicho medio en broma que en febrero contamos con ella", avanzou Méndez.
Coa marcha de Arantxa Mallou e a anunciada recentemente de Gala Mestres, a renovación á que deberá someterse o conxunto verde será máis profunda do desexado, sobre todo no que respecta a a base de xogadoras nacionais, ao que hai que sumar o adeus das dúas xogadoras foráneas que concluíron a tempada na Liga Feminina 2, Chantelle Pressley e Cassandra Oursler.
Relacionadas:
-
María Lago, oito tempadas no Arxil e a piques de comezar a novena
Por Sofía Lorenzo |
-
A aleiro sueca Linnea Rosendal, primeira fichaxe do Arxil
Por Redacción |
-
Continuidade no corpo técnico do Arxil para a nova tempada en LF2
Por Redacción |
-
Paixón polo baloncesto na 18 edición do 3x3 escolar do Arxil
Por Redacción & Mónica Patxot |
-
O Arxil traballa na chegada de tres fichaxes
Por Redacción |
-
O Arxil comeza a súa reconstrución despedíndose de Gala Mestres
Por Redacción |
-
O filial do Arxil proclámase campión galego e gaña unha praza en Primeira Nacional
Por Redacción |
-
O Arxil despide a tempada co MVP de Gala Mestres na última xornada
Por Redacción |