Santiago Sánchez queds sen o bronce na última xornada do Europeo de Loita
Por Redacción & Diego Torrado
O Campionato Europeo Júnior de Loitas Olímpicas chegou á súa fin este domingo. A cita, que comezou o pasado luns e alongouse ata esta fin de semana, desenvolveuse no Pavillón Municipal de Pontevedra e recibiu a ao redor de 800 deportistas procedentes de 37 países diferentes.
Os loitadores competiron nas diferentes modalidades (freestyle e grecoromano) en 57, 61, 65, 70, 74, 79, 86, 92, 97 e 125 quilogramos, no caso dos homes, e 50, 53, 55, 57, 59, 62, 65, 68, 72 e 76 quilos, no das mulleres.
Nesta ocasión, o galego Santiago Sánchez, que conseguiu optar o sábado á repesca para o bronce en 86 quilos, quedou ás portas ao perder, na última xornada, ante o sueco Mohammad Sardar por un 10-0. Tiña moitas posibilidades, pero, finalmente, non puido co inmellorable traballo do seu rival no tapiz.
Así, conclúen sete intensos días de competición, que converteron a Pontevedra no centro do deporte europeo.