Fran Rico volve gozar do fútbol de elite máis de dous anos despois
Por Diego Espiño
Máis de dous anos estivo Fran Rico sen disputar un partido oficial, afastado dos terreos de xogo por culpa da cara máis amarga do deporte, as malditas lesións.
O centrocampista de Portonovo, canteirán do Pontevedra Club de Fútbol, desafiou aos prognósticos e recomendacións que lle empuxaban á retirada e a base de constancia volveu a gozar do fútbol de elite.
Rico lesionouse no xeonllo en febreiro de 2017 nun partido de Primeira División entre Sevilla e Eibar, onde se atopaba cedido polo Granada, e neste período sufriu varias recaídas que terían feito desistir a moitos, pero el está feito doutra pasta.
Foron máis de 800 días de baixa, toda a presente tempada tentando recuperarse en Granada, e o premio chegou na última xornada da Segunda División. Co seu equipo xa ascendido á máxima categoría, o seu adestrador quixo premiar o seu esforzo e o exemplo que supuxo para o grupo dándolle a titularidade no duelo que enfrontaba ao equipo nazarí e ao Alcorcón no Estadio dos Cármenes.
Co brazalete de capitán no seu brazo, Fran Rico saltou ao terreo de zogo da man do seu fillo e colaborou na vitoria do seu equipo por 2-1. Repartiu xogo, conectou cos seus compañeiros e ata estivo preto de marcar nos 56 minutos que permaneceu sobre o campo, deixando detalles do gran xogador que sempre foi.
Agora queda recuperar a confianza e o ritmo de xogo, pero a súa volta aos terreos de xogo supón o fin a un auténtico calvario e o inicio dunha nova etapa pode que na máxima categoría do fútbol nacional, xa que conta cun ano máis de contrato co Granada.
O pontevedrés, ademais de gozar volvéndose a sentir futbolista de elite, quixo acordarse do fisioterapeuta que lle acompañou durante tantos meses na súa recuperación, Dioni González, e a todo o equipo médico.
"Lo he disfrutado muchísimo. Es un reconocimiento también a todo el servicio médico que ha hecho un trabajo espectacular", recoñeceu tras o partido.
Hoy fue un día grande. Y para @narfrico especialmente.
— Granada C.F. (@GranadaCdeF) 8 de junio de 2019
"Lo he disfrutado muchísimo"#GranadaEsDePrimera pic.twitter.com/rO0DcPBnC4