O Cisne pecha a fichaxe de Iván Calvo e prepara unha xornada de captación para a súa base
Por Redacción
O Club Cisne Balonmán confirmou á que é a súa segunda fichaxe para a tempada 2019/2020, na que volverá a militar na segunda categoría do balonmán nacional.
Trátase de Iván Calvo, especialista defensivo que chega ao club procedente do Lavadores vigués, con quen xogou esta campaña a fase de ascenso á División de Honra Prata.
Calvo, primeira liña de 21 anos de idade, segue así os pasos de David Chapela e únese aos renovados Javi Vázquez, Daniel Ramos, Pablo Gayoso, Álex Chan e Alejandro Conde nun proxecto que empeza a tomar forma.
"Estou moi contento de que un club como o Cisne confíe en min. Decanteime por este proxecto deportivo porque crin que era a mellor opción", recoñeceu o xogador.
XORNADA DE CAPTACIÓN PARA A BASE
Paralelamente á actividade do primeiro equipo, o Cisne prepara estes días unha xornada de captación para os conxunto da base.
Terá lugar o vindeiro sábado 22 de xuño no pavillón Multiusos da Xunqueira, ás 10:00 horas para nenos de 6 a 9 anos e ás 11:30 horas para nenos de 9 a 13 anos.
Relacionadas:
-
José Leiras, décimo xogador confirmado para o novo proxecto do Cisne
Por Redacción |
-
Álvaro Preciado dá continuidade ás renovacións no Cisne
Por Redacción |
-
O Cisne apontoa a súa defensa coa fichaxe de Iván Calvo
Por Manu Otero |
-
Andrés Sánchez, a piques de sumar máis dunha década no Cisne
Por Sofía Lorenzo |
-
Javi Vázquez, toda unha vida no Cisne
Por Redacción |
-
O pivote José Andrés Torres, novo reforzo para un Teucro no que non seguirá Lloria
Por Diego Espiño | Creada e actualizada
-
Daniel Ramos sela a súa renovación co Cisne
Por Redacción |
-
O Cisne segue dando pasos no seu novo proxecto coa renovación de Pablo Gayoso e Álex Chan
Por Redacción |