Edu Sousa e Alberto Domínguez (Coruxo) repiten experiencia cun campus para porteiros en Pontevedra
Por Redacción
Por segundo ano consecutivo, a Cidade Infantil de Príncipe Felipe será escenario do campus 'Keeper Camp Azero Cidade de Pontevedra'.
As xornadas, destinadas especificamente para o adestramento de gardametas, contarán coa presenza como monitor do porteiro e capitán do Pontevedra Club de Fútbol, Edu Sousa.
Ademais Alberto Domínguez (Coruxo) dirixirá o campus, que tamén conta coa coordinación do adestrador Toño Rodríguez (EF Poreto 2000).
Destinado a nenos e nenas de 7 a 15 anos, o evento conta cun máximo de 50 prazas e celebrarase entre o 24 e o 28 de xuño en horario de 10:00 a 19:00 horas.
Segundo explican os seus organizadores, o campus pretende fomentar as habilidades dos participantes con tarefas de tecnificación individuais, grupais e colectivas, xogos e competicións que servirán ademais para que poidan desenvolver ou potenciar actitudes e valores como o compañeirismo, o compromiso, a solidariedade e para que ante todo se divirtan".
Relacionadas:
-
A importancia da preparación específica de porteiros, a escena en Príncipe Felipe
Por Diego Espiño |
-
Edu Sousa ve "clave" manter un bo grupo no Pontevedra ante unha 2ªB que "está poco a poco subiendo el nivel"
Por Diego Espiño |
-
Trinta porteros xúntanse en Príncipe Felipe para participar nun campus de fútbol
Por Redacción |