Pontevedra Viva!

Máis +
Saleta Castro entrando na meta do Mundial de tríatlon de longa distancia

© Xan Xiadas

A ITU dálle "matrícula de honor" á organización dos Mundiais Multideporte de Pontevedra

Diego

Por Diego Espiño

Pontevedra pasou con nota o exame da Federación Internacional de Tríatlon (ITU) con motivo dos Mundiais Multisport organizados na cidade, e que supuxeron o desembarco de case 4.000 deportistas para competir nos campionatos do mundo de tríatlon de longa distancia, tríatlon cros, dúatlon, acuatlón e  aquabike.

Así o asegurou o presidente da Federación Española de Tríatlon, José Hidalgo, de visita na cidade para presentar o Pro Tour que organizará Pontevedra o próximo mes de outubro.

Segundo Hidalgo os informes elaborados polos delegados técnicos da ITU e recibidos xa na sede central de Lausanne, son de "matrícula de honor" para a cidade.

"Creedme que ha sido un informe inmejorable y ejemplar", explicou o presidente federativo, sinalando ademais que "se invita al resto de ciudades a que el guión a seguir en los próximos años sea precisamente el que se ha seguido en Pontevedra".

Esta alta cualificación, tras o éxito organizativo, deportivo e de público nos Mundiais Multideporte de Pontevedra 2019, supón un reforzo ás aspiracións da cidade para presentar a súa candidatura para albergar a Gran Final das Series Mundiais de tríatlon no ano 2023.

Relacionadas: