O Grove será escenario en setembro da renovada Copa Galicia de baloncesto feminino
Por Redacción
O inicio da pretempada aínda parece afastado para os equipos do baloncesto feminino galego e pontevedrés, pero as datas importantes da mesma empezan a coñecerse.
A Federación Galega de Baloncesto definiu o calendario e formato de competición da renovada Copa Galicia, que pasará a disputarse concentrada en tres días e no mesmo escenario.
Ese lugar será o pavillón municipal do Grove entre o 19 e o 21 do próximo mes de setembro.
O torneo iniciarase cos cuartos de final, nos que os cruces enfrontarán a Club Baloncesto Arxil e Cortegada de Vilagacía por unha banda e a Celta Zorka e Baxi Ferrol polo outro, o xoves 19 de setembro.
Unha xornada despois, o venres 20, será quenda da semifinal entre os gañadores e dun encontro entre os perdedores da anterior eliminatoria, mentres que o sábado 21 xogarase a final, para a que xa está clasificado o Ensino de Lugo.
O ARXIL INICIARÁ A PRETEMPADA O 2 DE SETEMBRO
A fase de preparación da tempada comezará para o Arxil o día 2 de setembro, segundo confirmou o club pontevedrés. Durante todo o mes as verdes traballarán na súa posta a punto coa previsión de que se fixen tres ou catro encontros amigables, ademais da propia Copa Galicia.
O conxunto arxilista segue traballando mentres tanto na composición do plantel, tras renovar a Carla Fernández, que cumprirá o seu décimo curso no club.
Relacionadas:
-
O Arxil xogará un mínimo de cinco partidos amigables antes de comezar a liga
Por Redacción |
-
Cristina Díaz-Pache, cuarta xogadora confirmada no Arxil
Por Redacción |
-
O Arxil volve renunciar por motivos económicos ao ascenso do seu filial a Primeira Nacional
Por Redacción |
-
O Arxil formaliza a súa inscrición un ano máis na Liga Feminina 2
Por Redacción |
-
María Lago, oito tempadas no Arxil e a piques de comezar a novena
Por Sofía Lorenzo |
-
A aleiro sueca Linnea Rosendal, primeira fichaxe do Arxil
Por Redacción |