España devora a Estados Unidos no Municipal de Pontevedra (34-13)
Por Manu Otero
Debut soñado para España. A selección pechou o seu primeiro partido cunha esmagadora vitoria sobre o débil combinado de Estados Unidos, confirmou a súa candidatura para revalidar o título mundial e fixo gozar ao público que se achegou ao Pavillón Municipal de Pontevedra para presenciar o primeiro e único encontro da fase de grupos que os Hispanos disputarán na cidade do Lérez.
O desenlace do encontro quedou claro no primeiros quince minutos de partido polo que a festa coa que a cidade recibiu a España prolongouse durante os sesenta minutos de xogo e continuou ao remate do partido coa celebración da cerimonia inaugural na que actuou o grupo pontevedrés Broken Peach.
Empezou o partido con gol de Estados Unidos na súa primeira posesión, pero a vantaxe non lles durou nin vinte segundos. O furacán español desatouse co tanto de Pérez Arce. Tentaron responder os americanos pero o lanzamento desde o punto de penalti atopouse cun insuperable Kilian Ramírez. O gardameta detivo un segundo lanzamento desde os sete metros aos poucos minutos e cando o combinado visitante podía reducir diferenzas, sacou unha perna increible para repeler un lanzamento.
Mentres Ramírez paraba, o resto do combinado español pasábao en grande sobre o parqué do Municipal. Os goles foron caendo de todas as formas. Gonzalo Pérez Arce e Mikel Zabala convertéronse en dous puñais desde o extremo. Os tiros de Ian Tarrafeta parecían mísiles teledirigidos e as internadas do exteucrista Natan Suárez acabaron por destruír a resistencia norteamericana.
España divertíase e a afección tamén. Os de Isidoro Martínez alternaban contragolpes fulgurantes con xogadas elaboradas movendo o balón e intercambiando posicións a velocidade supersónica. E en só un cuarto de hora de xogo o partido estaba sentenciado (12-2).
Tras un parcial de 6-0 a favor dos europeos, que non frearon a súa vocación ofensiva nin coas catro exclusións sufridas, Isidoro Martínez moveu o banco. Pero lonxe de perder ritmo competitivo, o apetito español creceu. En apenas cinco minutos o extremo do Barcelona, Mamadou Diocou esnaquizou os restos da xa maltreita liña defensiva de Estados Unidos, que xa só podía agarrarse á inspiración do seu gardameta Nicolas Robinson para cortar a hemorraxia. Nin sequera o conseguiu, pois Diocou plantouse ata en cinco ocasiones diante da súa cara e o balón, despois de eléctricos amagos, sempre acabou no fondo da rede.
Cun demoledor 21-5 chegouse ao final da primeira parte. E a segunda foi carne sen ósos. O partido caracterizouse por un exquisito xogo limpo por parte de ambas as escuadras. A pesar do severo castigo sufrido polos americanos en ningún momento trataron de cortar o xogo de España con accións antideportivas. Salvo no minuto 37 de xogo cando Sebastian Klerud atropelou bruscamente a Adriá Martínez. Tarxeta vermella que o visitante aceptou sen protestar.
Caeron os minutos e tamén os goles, pero a menor ritmo. Coa vitoria asegurada, os españois baixaron o nivel. De non facelo, o resultado podería ser histórico. Aínda así, a Selección sae reforzada do seu debut en Pontevedra no Mundial Júnior cunha incontestable vitoria (34-13) sobre uns débil Estados Unidos, que deberá mellorar o seu rendemento se quere estar na próxima rolda.
FICHA TÉCNICA
España: Kilian Ramírez (p), Natan Suárez (1), Mikel Amiblia (1), Eneko Goenaga, Antonio Serradilla (1), Mikel Zabala (5) y Gonzalo Pérez Arce (6). También jugaron Álvaro Martínez Lobato (2), Iván Montoya, Ian Tarrafeta (4), Pau Oliveras (2), Daniel Broto, Miguel Martínez (3), Mamadou Diocou (6), Adriá Martínez (2) y Pol Valera (1)
Estados Unidos: Nicolas Robinson (p), Joseph Bengozi (1), Alexander Baltagi (2), Amar Amitovic (2), Aaron Hamm, Sebastian Klerud (2), Paul Skorupa. También jugaron: Rene Ingram, Amili Seifert (5), William Kennedy, Austin Koury, Nikolas Zarikos, Jonas Stromberg (1), Zachary Rietz, Jakov Kutlesa y Marko Babic.
Marcador cada cinco minutos: 3-1, 7-2, 12-2, 16-4, 19-5, 21-5 (descanso), 22-7, 24-8, 27-9, 29-11, 33-13, 34-13 (final)
Árbitros: Belkhiri Youcef y Hamidi Sid Ali (Argelia) excluiron aos españois Álvaro Martínez (x2), Eneko Goenaga (x2), Antonio Serradilla (x2) e Pau Oliveras; ademais dos estadounidenses Alexander Baltagi, Sebastian Klerud, Nikolas Zarikos y Jakov Kutlesa (x2). Expulsaron no minuto 37 ao estadounidense Sebastian Klerud.
Incidencias. Partido que corresponde á primera xornada do Grupo A do Mundial Junior de Balonmano disputado no Pavillón Municipal de Pontevedra ante 700 persoas.
Relacionadas:
-
España afúndese na última xogada despois de romontar seis goles a Francia
Por Manu Otero & Cristina Saiz |
-
España súa para bater a Serbia pero xa está en oitavos de final
Por Manu Otero |
-
Croacia arrebata o liderado do grupo C a Brasil en Pontevedra na segunda xornada do mundial de balonmán
Por Manu Otero |
-
Sufrida vitoria de España sobre Tunes para asegurar o liderado
Por Manu Otero |
-
Dinamarca afoga a Alemaña en Pontevedra e Islandia colócase líder do grupo D
Por Manu Otero |
-
Brasil sorprende na primeira xornada do Mundial ao derrotar a Portugal, unha das favoritas
Por Manu Otero |
-
España debuta este martes en Pontevedra no mundial júnior de balonmán
Por Redacción |
-
Os Hispanos júnior gañan o partido ante Chile previo ao Mundial
Por Sofía Lorenzo |