O Campionato de España de Piragüismo de Novas Promesas de Piragüismo na modalidade sprint pechou o pano á competición no encoro pontevedrés de  Pontillón do Castro, Verducido.

Fíxoo despois de tres días de competición e bo ambiente na instalación e cun gran papel dos equipos locais.

Na cita competían 932 deportistas de todo o país en idade infantil e cadete, récord de participación para un campionato destas características.

Tras 160 carreiras nas diferentes disciplinas, o Club Piragüismo Aranjuez levou o triunfo por equipos con 968 puntos, seguido do Náutico de Sevilla (966 puntos) e do Club Náutico Pontecesures (901 puntos).

Oitavo foi a Escuela de Piragüismo Ciudad de Pontevedra (500 puntos), mentres que o Piragüismo Verducido- Pontillón pechou o top-10 da clasificación (339 puntos).

Pantalla completa