Ángel Outerelo, gañador da carreira urbana de La Bañeza, segue buscando equipo
Por Almu Dapena
A pasada fin de semana celebrouse a carreira urbana máis importante de España. Trátase da carreira de La Bañeza, en León, que na súa 60 edición, este referente nacional a nivel motociclista logrou concentrar a un total de 200 pilotos de diferentes categorías que se exhibiron diante de 60.000 espectadores.
O gañador da carreira dos 125cc foi Ángel Outerelo, corredor de Estribela. Aos seus 23 anos aínda non conta cun patrocinador que lle apoie na súa carreira deportiva polo que para esta competición tivo que preparar a moto co seu pai "con todo el cariño para que fuese lo mejor posible", explicou o pontevedrés.
"Mejoré mucho con respecto a otros años", logrando a mellor marca da categoría máis rápida da competición.
A pesar dos bos resultados logrados ata agora, Ángel segue pelexando por chegar a competir no Campionato de España de Velocidade (CEV) o cal se lle segue resistindo ante a dificultade de conseguir equipo e axudas de empresas para lograr disputar campionatos do máximo nivel.