Os padeeiros pontevedreses avanzan con paso firme en Hungría
Por Manu Otero
Os padeeiros pontevedreses que pugnan por unha medalla e a clasificación para os Xogos Olimpicos de Tokio no mundial de piragüismo sprint que se está celebrando na cidade húngara de Szeged xa están en semifinais.
Os primeiros en certificar a súa clasificación foron Sergio Vallejo e Adrián Sieiro, do Piragüismo Poio. Nas eliminatorias do C2 1000, a parella cruzou a liña de meta en segundo lugar cun tempo de 3:35.05, só superados pola embarcación alemá. Vallejo e Sieiro loitarán por un un posto na final este venres a partir das 17.46 horas cos barcos de China, Canada, Polonia e Romanía. Só os tres mellores terán sitio na final, na que ademais do cetro mundial está en xogo o pase aos Xogos.
David Barreiro tamén cruzou a meta en segunda posición na primeira rolda do C1 500 e buscará un oco na final este venres ás 12.03 horas. Á mesma rolda está clasificada a pontevedresa Antía Jácome, que buscará o salto á final do C2 500 xunto á súa compañeira Patricia Coco, despois de terminar terceira na primeira rolda.
O K4 da arousá Natalia García finalizou sexta a primeira eliminatoria, aínda así lograron clasificarse para a semifinal para buscar o pase á carreira polas medallas este venres ás 17.06 horas.
Tamén para o venres está previsto o debut dos pontevedreses Carolina Garcia no K1 500 e Pablo Graña, con Alberto Pedrero, na final de C2 200 ás 15.06 horas. Na mesma xornada disputarase a final de K4 1000 coa presenza de Iago Monteagudo e a semifinal do K1 200 de Teresa Portela.
Relacionadas:
-
A renuncia a facer os clasificatorios olímpicos pendentes pecha a porta a Tokyo a varios padexeiros da comarca
Por Diego Espiño |
-
EP Ciudad de Pontevedra consegue a prata por equipos na Baixada do Eume
Por Redacción |
-
A embarcación de Rodrigo Germade, subcampioa do Mundo en Hungría
Por Redacción |
-
Teresa Portela fai historia en Hungría e encara os seus sextos Xogos Olímpicos
Por Sofía Lorenzo |
-
O pontevedrés Pablo Graña consegue a primeira medalla de ouro para España no mundial de Hungría
Por Manu Otero |
-
O piragüismo pontevedrés, ao asalto dunha praza para os Xogos Olímpicos en Hungría
Por Manu Otero |