Jaouad Erraji, central internacional sub-23 con Marruecos, chega cedido polo Leganés ao Pontevedra
Por Ramiro Espiño
Case ao límite do prazo, o Pontevedra atopou unha das pezas que buscaba para apontoar o seu plantel. Trátase de Jaouad Erraji, central de 21 anos de idade (ocupa por tanto ficha sub-23), procedente do CD Leganés, en cuxo equipo filial militaba chegando a realizar a pretemporada co primeiro equipo pepinero, ás ordes de Mauricio Pellegrino.
Internacional coa selección de Marruecos sub-23, coa que se atopa convocado, estará ao longo de toda a semana entrante coa súa selección, tendo previsto incorporarse ás ordes de Luismi o martes día 10 de setembro. Chega en calidade de cedido, ata final da presente tempada.
DEMÓRASE O REGRESO DE MEJÍA
Mentres tanto, no club granate seguen esperando o regreso do hondureño Alfredo Mejía, que a pasada semana viaxou ao seu país co fin de efectuar os trámites legais para obter o visado de traballo.
Aínda que a súa volta parece que se demorará ata o vindeiro mércores ou xoves, no club hai confianza en recibir a documentación que falta antes do luns a medianoite, límite do prazo para a inscrición de xogadores, pero se así non fose, entenden fontes próximas ao club que ao tratarse dun xogador con ficha profesional en paro, podería ser inscrito mesmo posteriormente a ese prazo.
Relacionadas:
-
Jaouad Erraji completa o seu primeiro adestramento como granate cheo de "ganas e ilusión"
Por Manu Otero |
-
O Pontevedra prepara a viaxe a Ibiza coa defensa en cadro
Por Manu Otero |
-
Remontada no desconto dun Pontevedra que castiga a racanería do Sporting B (2-1)
Por Ramiro Espiño & Diego Torrado |
-
Oito minutos iniciais de terror permiten ao Racing de Ferrol golear o Pontevedra (4-1)
Por Redacción |
-
Adrián Mouriño causa baixa no Pontevedra e deixa ficha libre para Alfredo Mejía
Por Redacción |
-
O granate Alfredo Mejía regresa a Honduras para solucionar problemas de documentación
Por Manu Otero |