Ábrese o prazo de inscripción para as probas Ponte Extrem e Desafío
Por Almu Dapena
Este domingo, 8 de setembro, celebraranse en Pontevedra os roteiros Ponte Extrem e Desafío, principais novidades do programa Ponteandadas 2019.
Ambos os roteiros partirán da Illa das Esculturas e contarán cun percorrido de 31 quilómetros a primeira e de 16 quilómetros a segunda.
Para participar na actividade, na que se admitirán un máximo de 300 corredores, poderán inscribirse a través do correo electrónico ponteandadas@gmail.com, chamando ao 625 48 26 36, ou presencialmente na Casa da Luz o mércores 4 de setembro de 11:00 a 12:00 horas.
O programa Ponteandadas ofrece un circuíto de cinco roteiros por diferentes puntos do Concello de Pontevedra, tanto urbanos como polas parroquias, co obxectivo de promover hábitos saudables, o exercicio físico e o coñecemento da contorna natural e patrimonial.
Ademais dos roteiros deste domingo, hai programado un recorrido para o 6 de outubro pola parroquia de Lourizán e outra para o 10 de novembro no roteiro urbano.
Así mesmo, a organización ten programada unha charla sobre actividade física e saúde que terá lugar o 21 de setembro na Casa da Luz baixo o nome 'Sendeirismo e educación física'.