O Arxil cae fronte ao Celta Zorka na segunda xornada de Copa Galicia
Por Redacción
O CB Arxil disputou este domingo, fronte ao Celta Zorka no CGTD, a segunda xornada da fase de grupos da Copa Galicia de baloncesto que se saldou cunha nova derrota do equipo pontevedrés que, a pesar de ofrecer unha boa imaxe e dominar o marcador durante a maior parte do encontro, acabou cedendo no último cuarto.
As verdes sorprenderon ás celestes no primeiro período cunha gran actuación en defensa. Tras o paso por vestiarios, o Celta sacou a relucir a súa condición de favorito ao ascenso para voltear o marcador no terceiro cuarto. Cun punto de vantaxe afrontaron o último período, no que os erros ofensivos das pontevedresas acabaron por certificar a derrota.
A próxima xornada disputarase o mércores, cando o Arxil visitará a cancha do Cortegada.
ESCOLA MUNICIPAL
Nas oficinas do equipo pontevedrés traballan estes días na organización da súa escola deportiva, na que ofrecen formación en baloncesto para menores de todas as categorías. A preinscrición pode realizarse xa nas oficinas do Pavillón Municipal ou na sede electrónica do Concello de Pontevedra.
Relacionadas:
-
O Celta Zorka, primeiro obstáculo na nova aventura do Arxil
Por Redacción |
-
O Arxil, "a pleno rendemento" ante o inicio da Liga Feminina 2
Por Redacción |
-
O Arxil cae diante do Zamarat no partido de presentación ante o seu público (48-63)
Por Redacción |
-
Os tiros libres condenan a un Arxil que acumula a súa terceira derrota en Copa Galicia
Por Redacción |
-
O Arxil debuta con derrota ante o Ferrol na Copa Galicia (65-79)
Por Redacción |
-
O Arxil volve á carga tras as vacacións
Por Almu Dapena & Mónica Patxot |
-
O Arxil pide aos seus afeccionados que se fagan socios como regalo polo seu 35 aniversario
Por Redacción |