O Peixe cae fronte ao Cáceres no debut ligueiro na Raña (64-75)
Por Redacción & Diego Torrado
O Peixe Galego debutou esta fin de semana na Raña no segundo encontro da LEB Oro fronte ao Cáceres Patrimonio de la Humanidad. Os de Javi Llorente non puideron facer nada fronte ao seu rival que practicamente deixou sentenciado o encontro antes do paso polo vestiario.
O primeiro cuarto empezou co Cáceres como claro dominador. A experiencia dos xogadores do cadro visitante foron determinantes para acumular unha importante vantaxe nos primeiros compases de encontro (10-19).
O segundo cuarto foi unha imitación do primeiro. Os xogadores locais demostraron unha falta de acerto nas xogadas de ataque que o rival soubo aproveitar e, cun parcial de 14-21, o Cáceres foise ao descanso cunha vantaxe de 16 puntos a favor (24-40).
Tras o paso polos vestiarios, os de Javi Llorente reforzaron a defensa e o ataque e lograron estar por diante nos parciais dous últimos cuartos. A pesar de conseguir superar ao seu rival no terceiro (22-19) e cuarto parcial (18-16), os de Marín non lograron recortar a suficiente distancia para conseguir gañar o partido.
Finalmente, o partido concluíu cun resultado de 64-75 a favor do Cáceres que se coloca en postos de Play- off cunha vitoria en dous partidos xogados mentres que o Peixe Galego acumula dúas derrotas consecutivas. Na próxima xornada da LEB Oro, o Peixe Galego desprazarase a Andalucía para enfrontarse ao Coviran Selecta onde buscará non desengancharse na carreira pola permanencia.
Consulta aquí as estatísticas do partido.
Relacionadas:
-
O Peixe Galego mellora a súa imaxe pero termina cedendo ante o Gipuzkoa Basket (64-76)
Por Redacción & Diego Torrado |
-
O Peixe Galego espera o Guipúzcoa sen Mazaira, que estará un mes de baixa
Por Manu Otero |
-
O Peixe non pode co Granada e suma unha nova derrota (83-56)
Por Redacción |
-
O Peixe Galego espera dar un paso adiante contra un dos favoritos ao ascenso
Por Manu Otero |
-
A Raña volve ser escenario de LEB Oro cun partido directo pola permanencia
Por Manu Otero |
-
O Peixe Galego desaparece da televisión
Por Manu Otero |
-
A coraxe do Peixe Galego foi insuficiente para evitar unha clara derrota no seu debut en LEB Oro (82-66)
Por Manu Otero |