O Arxil debuta en liga con derrota ante o Celta (50-70)
Por Redacción & Diego Torrado
A nova tempada do Arxil empezou este sábado no Centro Galego de Tecnificación Deportiva nun encontro fronte a un dos candidatos ao ascenso de categoría, o Celta Zorka.
Despois de plantar cara ao conxunto vigués nos partidos de pretemporada, o equipo dirixido por Maite Méndez fixo o mesmo no primeiro partido de liga. O primeiro cuarto estivo igualado, a pesar de que o equipo visitante terminou o parcial cunha diferenza de dous tantos a favor (11-13), vantaxe que se ampliaría nos seguintes 15 minutos. A dinámica anotadora e a fortaleza das viguesas en defensa deixouse ver no segundo parcial (12-24) aumentando así a diferenza no luminoso para irse ao descanso cun 23-37 en contra das verdes.
A garra e empuxe das pontevedresas non foi tan forte como a das viguesas. A pesar de conseguir un bo terceiro parcial (17-16), o último cuarto foi determinante e o Celta, moi superior en ataque e defensa, aumentou a vantaxe no resultado final (10-17) e levou os primeiros puntos da tempada.
Finalmente, o Arxil caeu por 50-70 ante un Celta que empeza forte na súa pelexa polo ascenso. O próximo compromiso do Arxil é contra o Pozuelo o vindeiro sábado 12 de outubro.
Consulta aquí as estatísticas do partido.
Relacionadas:
-
O Arxil busca o seu segundo triunfo e romper o meigallo de Avilés
Por Redacción |
-
Tres fichaxes e un novo patrocinador para dar un salto de calidade no Arxil
Por Redacción |
-
O Arxil consegue o seu primeiro triunfo nun traballado partido en Pozuelo (38-54)
Por Redacción |
-
Forster, dispoñible para a segunda xornada ligueira do Arxil
Por Redacción |
-
O Celta Zorka, primeiro obstáculo na nova aventura do Arxil
Por Redacción |
-
O Arxil, "a pleno rendemento" ante o inicio da Liga Feminina 2
Por Redacción |
-
O Arxil cae diante do Zamarat no partido de presentación ante o seu público (48-63)
Por Redacción |