A ximnasta Melania Rodríguez representará a España no mundial de Toquio
Por Manu Otero
O campionato do mundo de ximnasia acrobática, na modalidade de trampolín, disciplina que será olímpica o próximo verán; celébrase en Toquio entre o 28 de novembro e o 1 de decembro. Entre os once integrantes da delegación española figura a pontevedresa Melania Rodríguez, que esta tempada marcouse o ambicioso obxectivo de clasificarse para Pequín. Non será a única deportista lerezana na capital nipoa, acompáñana os seus compañeiros de equipo, o Ximnasia Pontevedra, Alejandro Bernárdez e o ourensán Daniel Pérez, así como o seu adestrador e seleccionador nacional, Pablo Hinojar.
Será a segunda participación de Melania Rodríguez nun campionato do mundo en categoría absoluta. O ano pasado en San Petersburgo, a prometedora ximnasta fíxose coa prata en dobre mini-trump. Esta vez, a pontevedresa sobe a aposta e competirá tamén en trampolín en busca dun sitio no podio. Os seus outros dous compañeiros farano en dobre mini-trump.
Antes de poñer rumbo ao país asiático, os tres ximnastas da escuadra da Boa Vila participaron en Valladolid nunha proba da Copa do Mundo a pasada semana. Nas súas disciplinas, Alejandro Bernárdez foi duodécimo e Daniel Pérez, décimo sétimo. Mentres que Melania foi incapaz de meterse nas finais de dobre mini-trump, acabou novena; nin na de trampolín, foi trixésimo sexta.
Relacionadas:
-
Cancelado o Europeo de Ximnasia Trampolín, última vía de clasificación olímpica para Melania Rodríguez
Por Diego Espiño |
-
Melania Rodríguez queda lonxe dos primeiros postos no inicio do Mundial de Trampolín
Por Diego Espiño |
-
As esperanzas olímpicas de Melania Rodríguez, en xogo no Mundial de ximnasia trampolín
Por Diego Espiño |
-
O Concello buscará alternativas para os ximnastas á espera do novo pavillón da Parda
Por Manu Otero |
-
Adrián Soliño, nove veces campión de España a pesar das pingueiras e as humidades
Por Manu Otero |
-
Melania Rodríguez proclámase subcampioa do mundo de Ximnasia Trampolín
Por Sofía Lorenzo |