Derrota do Visit Pontevedra ante o líder, o Priego TM (2-4)
Por Diego Torrado & Redacción
O Visit Pontevedra recibiu esta fin de semana ao líder da clasificación, o Priego Tenis de Mesa. O pavillón do Príncipe Felipe acolleu este domingo o cuarto encontro da Superdivisión masculina de tenis de mesa, no que os de Monte Porreiro buscaban volver gañar ante o seu público.
O primeiro enfrontamento disputárono Bentancour por parte dos locais, fronte o portugués Diogo Ferreira. Foi este último o que empezou levándose un igualado primeiro set (11-13), para despois ceder só 5 puntos no segundo. O terceiro levouno o de Monte Porreiro pero de nada serviu xa que no último, o xogador do Priego foi máis forte e conseguiu o primeiro punto do encontro.
Co 0-1 a favor dos visitantes, chegou a quenda de Tomas Joffre que se enfrontou a Daniel Kosiba que levou o segundo punto para o seu equipo con facilidade gañando os tres xogos. A continuación Nico Galvano, igual que os seus compañeiros, nada puido facer ante Carlos Machado. A pesar de que o xogador do conxunto pontevedrés competiu no primeiro xogo, viu como en dous xogos, os líderes da clasificación poñían o 0-3 no partido.
Bentancour volvía competir, esta vez fronte a Daniel Kosiva. O xogador do Visit impúxose o seu rival nos tres últimos xogos a pesar de ceder os dous primeiros, logrando un punto para os de Pontevedra. Co 1-3 no marcador, chegaba de novo a quenda de Nico Galvano que venceu con facilidade ao seu rival.
Co Monte Porreiro recortando distancias, Tomas Joffre xogábao todo ante Carlos Machado, que se mostrou moi superior e venceu en tres xogos.
Con este resultado (2-4), o Tenis de Mesa Monte Porreiro acumula a súa segunda derrota esta tempada. A próxima xornada desprazarase a Guipúscoa para enfrontarse ao segundo clasificado, o Irun Leka Enea.
Consulta a acta do partido entre o Visit Pontevedra-Priego TM na seguinte ligazón.
Relacionadas:
-
O TM Monte Porreiro vence o San Sebastián de los Reyes e suma a súa quinta vitoria esta tempada (4-2)
Por Redacción |
-
Segunda vitoria consecutiva do Tenis de Mesa Monte Porreiro tras gañar o AD Vincios (1-4)
Por Redacción |
-
Importante vitoria do Tenis de Mesa Monte Porreiro ante o Arteal na Superdivisión masculina
Por Redacción |
-
O TM Monte Porreiro, sen opción ante o Irun Leka Enea e cae con claridade (4-0)
Por Redacción |
-
O Visit Pontevedra feminino volve gañar e conta os seus partidos por vitorias
Por Redacción |
-
O TM Monte Porreiro cae ante o Híspalis e suma a súa primeira derrota desta tempada (4-0)
Por Redacción |
-
A boa serie do TM Monte Porreiro continúa cunha vitoria fronte ao L'Escala (4-1)
Por Almu Dapena & Diego Torrado |