Taiwo Badmus, xogador máis valorado da sétima xornada na Liga LEB Ouro
Por Redacción
A vitoria do Peixe Galego ante o Real Canoe, primeira da tempada na liga LEB Ouro para os de Marín despois de sete xornadas, tivo un claro protagonista en Taiwo Badmus.
O aleiro con pasaporte irlandés foi elixido como xogador máis valorado da xornada na competición, o que supón un fiel reflexo da súa influencia no equipo.
Badmus sumou ante o Canoe 25 puntos, 7 rebotes, 2 recuperacions e recibiu 12 faltas en 32 minutos de xogo para un total de 36 puntos de valoración. Para poñer estas cifras en perspectiva, todo o equipo rival sumou 43 puntos de valoración no seu conxunto.
Earl Watson, pivote do Granada, obtivo a súa mesma valoración pero o seu equipo saíu derrotado do seu enfrontamento contra o Breogán.
No caso do xogador marinense, clave nos esquemas de Javi Llorente, mantivo unhas altas porcentaxes de tiro cun 1/3 en lanzamentos de 2, 2/ en triplos e 17/21 en tiros libres.
Despois da alegría que supuxo o seu primeiro triunfo do curso o Peixe Galego, situado a unha vitoria da zona de permanencia, prepárase xa para tentar prolongar a súa xeira positiva o vindeiro venres na súa visita á cancha do Club Melilla Baloncesto (20:15 horas).
Relacionadas:
-
O Peixe Galego valora a opción de reforzarse para optar á permanencia na LEB Ouro
Por Diego Espiño |
-
O desgaste físico condena o Peixe Galego fronte o Mallorca (77-90)
Por Almu Dapena & Diego Torrado |
-
Derrota en Melilla dun Peixe Galego xusto de forzas (78-67)
Por Redacción |
-
Orellano non viaxa a Melilla cun Peixe Galego que busca o seu segundo triunfo da tempada
Por Redacción |
-
Primeira vitoria do Peixe esta tempada tras gañar o ZTE Real Canoe (72-58)
Por Diego Torrado & Redacción |
-
Noite de medo para un Peixe Galego negado en ataque ante o Leyma Coruña (49-63)
Por Manu Otero |
-
O Peixe Galego refórzase co ala-pívot irlandés John Carroll
Por Redacción |