O Club Ciclista Farto, a dar un paso adiante na tempada 2020
Por Redacción
Paso a paso, amodo e con boa letra. Así pretende continuar o Club Ciclista Farto para ir crecendo dentro do pelotón nacional elite e sub-23 tanto en categoría feminina como masculina.
O conxunto pontevedrés traballa estas semanas na confección dos seus equipos para a tempada 2020, un curso no que volverá poñer sobre o asfalto formación en ambas as categorías.
A principal delas será a feminina, que vén de confirmar ás súas oito primeiras corredoras para a próxima campaña, na que o obxectivo será "asentalo nas carreiras nacionais", recoñeceu o seu mánager Brais Dacal. Así, a idea é participar na Copa de España e completar o calendario con carreiras UCI ou con probas como o Torneo Euskaldun.
Dentro das oito ciclistas pechadas polo Farto, Diana Pedrosa e a galegas María Correa e Estefanía Abelenda renovaron a súa vinculación co equipo, mentres que cinco son caras novas: as irmás Carla e Inés Castaño, as portuguesas Liliana de Jesús e Melissa Maia e a coruñesa Barca Toba, procedente do tríatlon.
Pola súa banda o equipo elite e sub-23 masculino confía en poder correr algunha das citas da Copa de España, aínda que centrará o seu calendario de 2020 en voltas por etapas en España e Portugal coa idea de "crecer en todos os aspectos: calendario, material e resultados", confirmou Dacal.
Relacionadas:
-
O estradense Óscar González Brea, fichaxe de renome para o Club Ciclista Farto
Por Redacción |
-
Novas pezas para os equipos do Club Ciclista Farto
Por Redacción |
-
Máis de 400 nenos pedalean na IV Mini BTT de Salcedo
Por Redacción & Diego Torrado |
-
Problemas de seguridade obrigan a cancelar o Gran Premio Rogelio Acuña de ciclismo
Por Diego Espiño | Creada e actualizada
-
Quilómetros de experiencia para o Aleata-Farto na estrea da Copa de España en Eibar
Por Redacción |