Pablo Dapena gaña en Cidade do Cabo a pesar dos problemas no traslado da súa bicicleta
Por Almu Dapena
Despois da aventura vivida esta semana co traslado da súa bicicleta e as súas maletas, que non chegaron ata 24 horas antes de competir, Pablo Dapena volveu a gañar.
Esta vez en Cidade do Cabo, Sudáfrica, onde participou no Challenge Cape Town, penúltima proba para el antes de que finalizar a tempada o 14 de decembro no Challenge Daytona.
Pablo partía como un dos favoritos na proba que comezou á primeira hora da mañá cos 1.900 metros de natación. Foi o primeiro en saír da auga e só, nun tempo de 24:09 e unha vantaxe de 1:10 sobre o grupo de 8 triatletas no que estaban o resto de favoritos, o australiano Steven McKenna, o británico Tim Don ou os surafricanos Matt Trautman e Bradley Weiss.
Chegou a proba ciclista. Dapena subía á súa bicicleta recentemente chegada de Buenos Aires e seguía na cabeza ata o quilómetro 8 onde foi alcanzado polo pelotón de favoritos co que formou un grupo de seis que se mantivo unido aumentando as diferenzas en máis de 3:20 minutos sobre o resto dos participantes ao paso pola T2.
Despois de deixar a bicicleta, o galego empezou a arrasar. No seu paso polo quilómetro 3, xa empezou a deixar atrás aos seus rivais con 20 segundos sobre Trautman e 49 sobre Buckingham. O único que lle seguía o ritmo era o australiano.
Ao paso polo quilómetro 7, Dapena xa era líder en solitario con 18 segundos sobre McKenna e 49 sobre Trautman e, a partir de aquí no paso polo quilómetro 10 xa aumentara a súa vantaxe a 37 segundos que se converteron en 1:04 ao paso polo quilómetro 17.
Finalmente, Pablo Dapena acabou a proba nun tempo de 3:46:48, seguido de Steven McKenna (3:48:14) e de Matt Trautman (3:49:44).
Relacionadas:
-
Lanzarote, escenario dos primeiros quilómetros de pretempada de Pablo Dapena
Por Diego Espiño |
-
Pablo Dapena despide a tempada cun segundo posto no Challenge Daytona
Por Redacción |
-
O circuíto de Daytona, escenario de película para a despedida de tempada de Pablo Dapena
Por Diego Espiño |
-
Sen tarxeta de crédito nin certificado de vacinas. A odisea de Pablo Dapena para viaxar de Bos Aires a Cidade do Cabo
Por Diego Espiño |
-
Pablo Dapena acaba segundo no Ironman 70.3 de Buenos Aires e consegue o Slot para o Mundial de 2020
Por Redacción |
-
Unha caída no tramo ciclista deixa a Pablo Dapena sen podio no Challenge Peguera
Por Almu Dapena |