Nicolás Antorena e Ramón Fernández Cuesta, novas incorporacións do Froiz
Por Redacción
O novo proxecto do Grupo Deportivo Supermercados Froiz, na que será a súa 32 tempada dentro do pelotón nacional, segue tomando forma.
O equipo ciclista pontevedrés confirmou este luns dúas novas fichaxes para a campaña 2020, as de Nicolás Antorena e Ramón Fernández Cuesta.
Antorena é un corredor de nacionalidade arxentina residente na Coruña, que o último ano defendeu as cores do Diputación de León. Trátase dun ciclista "polivalente pero lixeiro para a montaña, terreo no que se atopa máis cómodo", explica o Froiz. Afrontará o seu primeiro curso na categoría elite.
Pola súa banda Ramón Fernández Cuesta provén da categoría xuvenil. Na súa última tempada, nas filas do MMR Academy, escola impulsada polo campión olímpico Samuel Sánchez. Asturiano coma el, Fernández Cuesta conta no seu palmarés con triunfos de etapa na Vuelta al Besaya e na Vuelta a Asturias.
Ambos os dpus únense a un proxecto ao que xa se sumaron Marcos Jurado e Cristian Mota, ciclistas procedentes do pelotón profesional portugués.
Relacionadas:
-
O Supermercados Froiz ficha a Samuel Blanco, campión da Volta a Galicia no 2017
Por Manu Otero |
-
Problemas de saúde apartan a Cristian Mota do Froiz, que ficha no seu lugar ao portugués Iuri Leitao
Por Redacción |
-
O Froiz pecha o seu plantel con dúas novas fichaxes
Por Redacción |
-
O Froiz 'pesca' ás súas primeiras fichaxes no pelotón profesional portugués
Por Redacción |
-
O Froiz finaliza terceiro no ranking nacional de ciclismo
Por Redacción |