Lydia Pérez participa en Berlín nunha importante concentración internacional de loita feminina
Por Redacción
Berlín acolle estes días unha importante concentración de loita libre feminina na que participará Lydia Pérez Touriño.
Trátase dunhas xornadas de adestramento e convivencia internacional organizadas pola Federación Alemá de Loita co obxectivo de reunir a algunhas das mellores deportistas júnior e sub-23 de diferentes países.
No caso da pontevedresa, habitual en competicións internacionais tanto sub-23 como absolutas, esta cita supón unha boa oportunidade para prepararse con algunhas das súas principais rivais.
Ademais de Lydia Pérez, Galicia conta con outras dúas representantes sendo todas elas as únicas loitadoras nacionais convidadas. Trátase de Nerea Pampín (Club Keltoi de Vila de Cruces) e Nerea Iglesias (Escola Ayude de Santiso), ambas as dúas bolseiras no Centro Galego de Tecnificación Deportiva.
Esta concentración, que comezou este luns 11 de novembro e prolongarase ata o día 15, forma parte da preparación das tres galegas para o Campionato de España por Comunidades Autónomas que terá lugar a fin de semana en Madrid.
Relacionadas:
-
Lydia Pérez cae nos cuartos de final do Europeo de Loita a falta da repesca
Por Redacción |
-
Lydia Pérez acode ao Europeo de Loita mirando de esguello os clasificatorios olímpicos
Por Redacción |
-
Dous padriños con aspiracións olímpicas
Por Manu Otero |
-
Pablo García prepara en París o seu asalto aos clasificatorios olímpicos
Por Redacción |
-
Lydia Pérez cae nos cuartos de final do Mundial Sub-23 de loita
Por Redacción |
-
Marcos Miragaya acudirá ao Mundial cadete de loita como seleccionador nacional
Por Redacción |
-
Lydia Pérez perde o bronce europeo en Minsk no combate de repesca
Por Redacción |
-
A moldava Mariana Cherdivara elimina a Lydia Pérez no Europeo de Loita
Por Redacción |