Pol Bueso está disposto a xogar de central, lateral ou "donde sea"
Por Diego Espiño
Unha das principais novidades do primeiro once de Carlos Pouso no Pontevedra protagonizouna Pol Bueso, ao ocupar por primeira vez esta campaña a demarcación de lateral zurdo.
O defensor castellonenco xogara ata a data no centro da zaga, facendo parella con Churre, pero "el míster pensó que yo podía aportar en el lateral izquierdo y yo estoy aquí para intentar ayudar", recoñece.
Esa situación permitiu ademais adiantar a posición de Álex González, que desde o extremo tivo tamén unha importante incidencia na vitoria do equipo granate en Las Rozas, con gol incluído.
Pol Bueso: "Al final uno quiere jugar donde sea. A mí me es igual si es de central o de lateral, lo que decida el míster"
"Como dije desde mi llegada es igual la posición, yo vengo a ayudar, a apoyar al equipo y aportar ese granito de arena y al final uno quiere jugar donde sea. A mí me es igual si es de central o de lateral, lo que decida el míster", explica o futbolista.
Pode que o seu futuro máis próximo pase precisamente pola posición de 3. Iso só a sabe con certeza un Carlos Pouso que "es un hombre muy cercano, nos dice las cosas claras", asegura Bueso sobre o seu novo adestrador.
Na súa tempada de debut no Pontevedra, Pol confirma sentirse "encantado" co trato do club e da cidade, un agarimo que espera devolver con "sacrificio y trabajo".
Agora, superado o mal momento de xogo e resultados, o que é un dos xogadores veteranos do equipo, curtido en mil batallas nos campos de Segunda B, defende o traballo previo que "creo que se estaba haciendo bien", e pide á contorna ir partido a partido: "Llegará un momento en el que empecemos a mirar arriba o abajo, pero ahora toca apretar los machos, trabajar e ir sumando porque aún queda una segunda vuelta entera".
Iso si, para pensar en obxectivos ambiciosos, Pol Bueso ten clara a receita, que pasa por "hacernos fuertes en casa" empezando este domingo (17:00 horas) coa visita do Marino de Luanco ao Estadio Municipal de Pasarón.
Relacionadas:
-
Máis goles que fútbol no triunfo do Pontevedra sobre o Marino de Luanco (3-0)
Por Ramiro Espiño & Diego Torrado |
-
O Pontevedra recibirá o Ibiza na primeira rolda da Copa do Rei
Por Almu Dapena |
-
Concentración máxima no Pontevedra para buscar ante o Marino o seu cuarto triunfo consecutivo
Por Diego Espiño |
-
O campo da Seca, nova base de operacións do Pontevedra
Por Diego Espiño |
-
Berrocal empeza a traballar co grupo despois de "dos semanas realmente malas"
Por Diego Espiño |
-
O Pontevedra coñecerá o seu rival na primeira rolda da Copa do Rei o vindeiro domingo 17
Por Diego Espiño |
-
O Pontevedra espanta vellas pantasmas
Por Diego Espiño |
-
Remontada, oficio e Álvaro Bustos, claves do triunfo do Pontevedra en Las Rozas (1-3)
Por Redacción |