O Poio Pescamar avanza á segunda rolda da Copa da Raíña tras vencer a O Fisgón (1-5)
Por Redacción & Diego Torrado
O pavillón marinense da Raña vestiu este venres os seus mellores galas para a Copa da Raíña de fútbol sala.
O Fisgón e Poio Pescamar enfrontábanse no duelo comarcal, cun bo ambiente nas bancadas e claro favoritismo para as vermellas, equipo da máxima categoría ante un cadro marinense que desbordaba ilusión.
Os prognósticos cumpríronse nun encontro que con todo foi moi traballado polas xogadoras adestradas por Raúl Jiménez, ante a férrea oposición das marinenses especialmente no inicio do choque.
Así, pese ao dominio sobre a pista, non se traduciu ao marcador ata o ecuador da primeira metade, cando Clara poñía en vantaxe ao Poio.
O Fisgón contou con algunhas ocasións, pero quen encarrilou o choque pouco antes do descanso foi o bloque visitante con outros dous tantos.
Xa na segunda metade o Poio Pescamar chegou a poñer o 0-4 antes de que Café recortase distancias premiando o esforzo das locais. Iria Saeta redondeou o 1-5 final que mete ás da Seca na segunda rolda do Torneo do K.O.
Relacionadas:
-
Goleada de O Fisgón para seguir o seu camiño cara ao play-off de ascenso
Por Redacción |
-
Empate pola mínima entre o Roldán e o Poio Pescamar que segue cuarto (1-1)
Por Redacción |
-
Ourense Envialia, duro rival para o Poio Pescamar nos oitavos de final de Copa
Por Redacción |
-
O Poio Pescamar golea o Xaloc Alacant e colócase cuarto (5-0)
Por Redacción & Diego Torrado |
-
A Copa da Raíña entra en escena para O Fisgón e Poio Pescamar
Por Redacción |
-
O Poio Pescamar remonta para vencer ao Leganés e seguir á espreita da cuarta praza (2-4)
Por Redacción |