Coke Carrillo debuta coa Selección Española Sub-18 cun empate ante Romanía (2-2)
Por Redacción
Ao segundo partido de España no Torneo Internacional do Algarve, en Portugal, chegou o debut de Coke Carrillo na Selección Española Sub-18.
O gardameta de Poio, canteirán do Pontevedra Club de Fútbol e agora nas filas do xuvenil B do FC Barcelona, foi titular no encontro que enfrontaba ao combinado nacional da categoría con Romanía, e que finalizou con empate a dous goles.
Carrillo non dispuxera de minutos no primeiro choque do torneo, no que España tamén asinou táboas ante Turquía (1-1).
Nesta ocasión Romanía foi a que levou a iniciativa no marcador durante gran parte do partido, adiantándose á media hora de xogo por medio de Ianis Stoica. O combinado nacional non tardou en empatar cun tanto do celtista Gabriel Veiga, pero de novo Stoica bateu a Coke Carrillo dando vantaxe ao seu equipo.
Aínda que España tentouno durante toda a segunda metade, non foi ata o tempo de desconto cando conseguiu a igualada, cun penalti transformado polo sevillista Antonio Zarzana.
A Selección Sub-18 pechará a súa participación no Torneo Internacional do Algarve o vindeiro mércores 11 de decembro contra Portugal.
Relacionadas:
-
O regreso de Coke Carrillo ao Pontevedra, un soño?
Por Diego Espiño |
-
Coke Carrillo renova ata 2024 co Barcelona cunha cláusula de rescisión de 50 millóns de euros
Por Diego Espiño |
-
Coke Carrillo, de concentración coa Selección Española Sub-19
Por Diego Espiño |
-
Coke Carrillo, ante un gran reto no xuvenil A do Barcelona
Por Diego Espiño |
-
Coke Carrillo dá o salto á Selección Española Sub-18
Por Diego Espiño |
-
O Pontevedra fai oficial o traspaso do canteirán Jorge Carrillo ao Barcelona
Por Diego Espiño |
-
O futuro da portería do Pontevedra está nas súas mans
Por Diego Espiño |