O presente e futuro da portería da Selección Española pasa por Poio
Por Redacción
A portería do Poio Pescamar está en boas mans, agora e nos próximos anos. Ao dúo de gardametas do primeiro plantel, habituais nas convocatorias da Selección Española, únese á remuda que aparece no horizonte desde as categorías inferiores.
Iria Varela, xoven xogadora vermella de idade cadete, participou nunha recente concentración de adestramento en Las Rozas ás ordes do corpo técnico da Real Federación Española de Fútbol.
Esta convocatoria supón un novo recoñecemento ao traballo de canteira da entidade da Seca, co obxectivo de ir nutrindo de futbolistas da casa ao primeiro equipo na máxima categoría.
Pero non é a única noticia que relaciona estes días ao Poio Pescamar coa Selección Española, e é que Silvia Aguete volve a unha convocatoria do equipo nacional absoluto tras as súas últimas ausencias, acompañando á súa compañeira en Poio, Caridad García. Ambas as dúas coparán a portería de España nos próximos amigables do combinado nacional en Portugal os días 14 e 15 de xaneiro, unha cita á que tamén acudirá a pontevedresa Jenny Lores, agora nas filas do Burela.
Ademais Silvia recollerá por segundo ano consecutivo o premio que a recoñece como mellor gardameta da tempada e será homenaxeada, do mesmo xeito que Caridae, na gala do fútbol sala en Las Rozas polo título conquistado na pasada Eurocopa de seleccións.
Relacionadas:
-
Iria Varela, citada por primeira vez coa Selección Española Sub-19 de fútbol sala
Por Diego Espiño |
-
Silvia e Caridad, porteiras do Poio Pescamar, repiten convocatoria coa Selección Española
Por Redacción |
-
O Poio Pescamar derrota o Ourense Envialia e pasa a cuartos da Copa da Raíña (3-1)
Por Almu Dapena & Diego Torrado |
-
Homenaxes, recollida de xoguetes e fútbol sala na despedida do ano do Poio Pescamar
Por Redacción |
-
Empate pola mínima entre o Roldán e o Poio Pescamar que segue cuarto (1-1)
Por Redacción |
-
Ourense Envialia, duro rival para o Poio Pescamar nos oitavos de final de Copa
Por Redacción |
-
A Selección Española de fútbol sala dáse unha homenaxe en Marín ante Xapón (8-0)
Por Diego Espiño & Cristina Saiz |