Celia Cerviño, ante unha tempada clave para o seu futuro no circuíto tenístico profesional
Por Redacción
Aos seus 21 anos, despois de catro cursos completando os seus estudos universitarios en Estados Unidos, chega o momento de Celia Cerviño no circuíto profesional de tenis.
A deportista pontevedresa ten previsto intensificar tras o Nadal a súa preparación para a tempada 2020, a primeira na que se dedicará completamente á tarefa de progresar e afianzarse no ranking WTA e na que espera dar un impulso definitivo á súa carreira.
En só 6 meses desde a súa volta a España, Cerviño escalou máis de 350 postos no ranking internacional para terminar o ano no posto 881. En dobres, conclúe como a 693 da lista. Un ritmo de mellora que aspira a manter e incremetar no novo ano, no que o seu calendario centrarase no circuíto ITF.
Neste tempo Celia conseguiu levantar o seu primeiro título ITF individual en Lousada, Portugal, o que a colocou xunto a Lourdes Domínguez e Paula Hermida na exclusiva lista de tenistas galegas que gañaron un título destas características.
As pistas do Club de Tenis da Caeira serán o escenario da primeira e esixente fase de preparación do ano, baixo a batuta de Tozé Pinto e Chipi Agrelo e do seu preparador David Rodríguez.
Serán semanas de esforzo para chegar na mellor forma posible ao primeiro torneo da tempada, que se nada se torce terá lugar desde o 20 de xaneiro en Mallorca.
Relacionadas:
-
Celia Cerviño, da pista de tenis ao frontón do edificio de Facenda
Por Diego Espiño |
-
Celia Cerviño pecha a súa participación no ITF de Sunderland cun novo segundo posto
Por Redacción |
-
Celia Cerviño ou a ilusión de dedicarse ao tenis profesional desde Pontevedra
Por Diego Espiño |
-
Celia Cerviño pecha o seu mellor ano con triunfo no Open de Pontevedra
Por Redacción |
-
A participación de Celia Cerviño no Masters IBP de tenis acaba en retirada
Por Redacción |
-
Celia Cerviño segue en xeira positiva e conquista en Portugal o seu primeiro título individual do circuíto ITF de tenis
Por Redacción |
-
Celia Cerviño repite en Portugal título de dobres no circuíto ITF
Por Redacción |
-
A pontevedresa Celia Cerviño estrea o seu palmarés no circuíto ITF de tenis
Por Redacción |