Fixados os horarios para os primeiros partidos do ano do Pontevedra
Por Redacción
Ao Pontevedra Club de Fútbol espéralle un inicio de ano cargado de compromisos oficiais, entre liga e Copa do Rei.
O primeiro plantel granate está convocado o luns día 30 para volver aos adestramentos tras unha semana de descanso, momento no que empezarán a preparar o último encontro da primeira volta ante o Internacional de Madrid.
Ese encontro disputarase no Estadio Municipal de Pasarón o sábado 4 de xaneiro ás 20:30 horas, segundo figura xa na Real Federación Española de Fútbol, un adianto con respecto ao horario habitual que responde á intención de non coincidir coa celebración da cabalgata dos Reis Magos prevista para a tarde do domingo 5 de xaneiro. De feito o Racing de Ferrol-Rayo Majadahonda disputarase tamén o sábado 4 e o resto de encontros fixáronse para a matinal do domingo.
Despois desta cita, entre semana, chegará o encontro suspendido no seu momento en Copa do Rei contra o Ibiza polo temporal, un duelo que terá lugar o mércores 8 de xaneiro (20:30 horas en Pasarón).
Do resultado dese choque dependerá o partido de liga da fin de semana na casa do Coruxo, no estadio vigués do Vao, que se fixou inicialmente para o domingo 12 de xaneiro ás 16:30 horas. Con todo no caso de seguir adiante en Copa o Pontevedra deberá xogar esa fin de semana a segunda eliminatoria do Torneo do K.O. que lle enfrontaría ao Albacete de Segunda División no que sería o tercer partido no seu estadio nunha semana.
Relacionadas:
-
"Ganar, ganar y volver a ganar". O propósito de ano novo do Pontevedra
Por Manu Otero |
-
Pouso: "Mi idea es afrontar la segunda vuelta con 22 jugadores"
Por Manu Otero |
-
Carlos Pouso: "Feáns non me vai a fichar a ninguén que eu non queira, nin eu voulle a pedir a alguén que non poida traer"
Por Diego Espiño |
-
Semana de vacacións para o Pontevedra
Por Redacción |
-
Pesadelo antes do Nadal do Pontevedra na cancha do pechacancelas (4-1)
Por Manu Otero |
-
Sorteo de Copa do Rei: o Albacete espera o vencedor do Pontevedra-Ibiza
Por Diego Espiño |
-
Suspendido pola choiva aos 16 minutos o Pontevedra-Ibiza de Copa do Rey (0-0)
Por Ramiro Espiño & Cristina Saiz |