Estrea "de ouro" para Galicia no Campionato de España de Ciclocrós
Por Redacción & Diego Torrado
Obxectivo cumprido para a Selección galega de Ciclocrós no primeiro día de competición na Illa das Esculturas con nove medallas, catro delas de ouro.
Foi un sábado brillante para o ciclocrós galego que comezou coas vitorias de Isabel Castro e Marcial Rodríguez na categoría máster-50, e Natalia Raña en máster-40. Así mesmo, Andrés Calvete colgouse a prata nos máster-30, mentres que o cadete Iván Ferández, a máster-30 Rocío Blanco e a máster 40 Sonia Costoya quedaron en terceiro lugar.
Pola súa banda, o desenlace máis emocionante conseguiuno a corredora do Ciudad de Pontevedra, Laura Mira, xunto coa súa compañeira de selección, a ponteareá Uxía Soto (Avanza), culminando unha espectacular remontada despois de pasar fóra das posicións de podio ao final da primeira das tres voltas ao circuíto e finalizando en primeiro e segundo lugar respectivamente.
En canto ao combinado júnior, o podio resistíuselle a Galicia. O vigués Jorge Fernández (Rías Baixas) logrou o mellor resultado para os corredores galegos cun quinto posto.
O campionato estatal finalizará este domingo cos pratos fortes. Abrirán a xornada os sub-23 masculinos (10:00 horas), e a continuación competirán as elite/ sub-23 e junior feminina (11:30). Xusto despois celebrarase a primeira edición da Carreira Inclusiva (12:40), que dará paso aos elite masculinos (13:30) que se encargarán de pechar esta fin de semana.
Relacionadas:
-
Rexeneran as zonas da Illa das Esculturas nas que se celebrou o Nacional de ciclocrós
Por Redacción |
-
"Pontevedra é a cidade do ciclocrós", afirma o presidente da Real Federación Española de Ciclismo
Por Redacción |
-
A prata de Trabazo e o ouro de Feijoo pechan a histórica actuación galega do Campionato de España de Ciclocrós
Por Redacción & Diego Torrado |
-
Repetir as 8 medallas de 2019, obxectivo de Galicia no Nacional de Ciclocrós de Pontevedra
Por Redacción |
-
Pontevedra reforza a súa aposta polo ciclocrós e mira cara ao Mundial de 2024
Por Diego Espiño |
-
A marinense Irene Trabazo, entre as favoritas para gañar o Campionato de España de Ciclocrós de Pontevedra
Por Redacción |
-
Galicia presenta as súas armas para Campionato de España de Ciclocrós na Illa das Esculturas
Por Redacción |
-
Os corredores galegos xa coñecen o novo circuíto da Illa das Esculturas para o Campionato de España de Ciclocrós
Por Manu Otero |