O exgranate Mejía atopa acomodo no Leviadakos da segunda división de Grecia
Por Redacción
O ex-xogador do Pontevedra CF, Alfredo Mejía, xa ten novo equipo. O mediocentro hondureño acaba de asinar polo Leviadakos, da segunda división grega, 24 horas despois de alcanzar un acordo para rescindir o seu contrato co conxunto granate, co que asinara o pasado mes de agosto.
O futbolista foi presentado este xoves co seu novo club. Será a terceira experiencia do internacional por Honduras no país heleno, xa que o xogador defendera antes de recalar en Pasarón as cores do Panthrankiko e o Xanthi.
Mentres tanto, a dirección deportiva do Pontevedra continúa peiteando o mercado en busca de diferentes perfís de futbolistas para reforzar o equipo. O corpo técnico granate terá que afrontar o decisivo partido do próximo domingo con só dous mediocentros puros dispoñibles. A marcha de Mejía e a lesión de Berrocal deixan a Sana N' Diaye e a Álex Fernández como os únicos especialistas do primeiro equipo no persoal.
Relacionadas:
-
O mediapunta José García chega cedido ao Pontevedra ata final de temporada
Por Manu Otero & Cristina Saiz |
-
Carlos Pouso négase a pescar nos seus antigos equipos
Por Manu Otero |
-
Alfredo Mejía vaise e libera unha ficha para pechar un mediocentro
Por Manu Otero |
-
Coruxo e Pontevedra reparten puntos, ocasións e dominio (0-0); os granates terminan de novo con dez
Por Ramiro Espiño & Diego Torrado |