O Arxil encara a segunda volta de liga coa necesidade de sumar vitorias
Por Redacción
O Arxil inicia esta sábado a segunda volta de competición cun partido tan especial como vital. As de Mayte Méndez visitan o pavillón vigués de Navia para enfrontarse ao Celta Zorka coa necesidade de sumar o seu cuarto triunfo da tempada e fuxir da zona baixa da clasificación.
O encontro servirá para, se chega o tránsfer internacional a tempo, ver debutar á última fichaxe verde, a arxentina Johanna Bruchetti, que chegou esta semana para axudar a cumprir o obxectivo inmediato de romper unha serie de seis derrotas consecutivas.
En fronte estará un duro rival que, acomodado na zona media e lonxe dos postos altos da clasificación, tampouco atravesa o seu mellor momento. Aínda así, a intensidade defensiva das celestes será unha das principais ameazas que terá que afrontar o cadro lerezano. No plano ofensivo, a capacidade anotadora de Breanna Richardson e Anne Senosiain son as máis perigosas do equipo vigués.
Desde o punto de vista do corpo técnico pontevedrés, a vitoria será para aquel conxunto que domine o rebote. Ademais, o Arxil debe estar moi atento en defensa para frear os contragolpes locais, unha das armas máis perigosas do Celta.
Relacionadas:
-
O Arxil encarrila a permanencia tras vencer o Avilés por 67-52
Por Almu Dapena & Diego Torrado |
-
O Arxil, ante dous partidos para recuperar sensacións
Por Boris Rodríguez Pintos |
-
A permanencia do Arxil na Liga Femenina 2 decidirase no CGTD
Por Manu Otero |
-
Mal comezo da segunda volta para o Arxil que cae na súa visita ao Celta (80-61)
Por Redacción |
-
O Arxil ficha a ala-pívot arxentina Johanna Puchetti
Por Redacción |
-
O Leganés deixa sen opcións o Arxil no terceiro cuarto (71-43)
Por Redacción |
-
O Arxil gaña o Trofeo Cidade de Pontevedra ante o Carmelitas de Ourense
Por Almu Dapena & Cristina Saiz |