Duelo de espada a cegas, a idea da Escola Hungaresa para adaptar a esgrima a persoas con discapacidade visual
Por Redacción
A Escola Hungaresa organizou o pasado sábado en Pontevedra unha xornada de esgrima a cegas, impartida polo mestre Adrián Cubela, na que participaron árbitros, oito técnicos de catro clubs galegos, dúas profesoras de Educación Secundaria que imparten clase a alumnos con discapacidade visual e sete persoas cegas procedentes de diferentes recunchos da comunidade autónoma.
O obxectivo desta xornada era o de formar a adestradores e xuíces nesta disciplina, así como contribuír á promoción desta modalidade entre os diferentes clubs. Dar a oportunidade a persoas con problemas de visión de experimentar por primeira vez a sensación de empuñar unha espada, aprender a súa técnica e baterse en dono cos seus compañeiros é tamén una das metas deste programa.
O mestre Adrián Cubela e o tirador Kiko Mosteiro, pioneiros na práctica de esgrima a cegas no país, participarán o próximo mes nunha concentración e torneo internacional de esgrima a cegas en Francia, á que acoden máis de 40 tiradores e técnicos de catro países europeos.
Desde o ano 2012, o club pontevedrés desenvolveu esta modalidade en colaboración coa ONCE para impartir clases a nenos e adultos con discapacidade visual de toda España en campamentos de verán e en xornadas de inclusión deportiva.
Relacionadas:
-
A Escola Hungaresa de Esgrima ponse a punto cunha dobre medalla no Trofeo Sant Jordi
Por Redacción |
-
Pilar Garnelo, unha 'tiradora' da que presume a esgrima pontevedresa
Por Diego Espiño |
-
Medalla de prata para a tiradora Pilar Garnelo nun trofeo internacional celebrado en Barcelona
Por Redacción |
-
Recital da Escola Hungaresa en Portugal
Por Redacción |
-
As escolas deportivas pechan o prazo de presentación de solicitudes con 2.000 peticións
Por Redacción |
-
Colección de medallas para a Escola Hungaresa no Criterium Nacional de Esgrima de Leganés
Por Redacción |
-
A Escola Hungaresa suma unha dobre medalla de bronce no Campionato de España Infantil de Esgrima
Por Redacción |
-
Dobre medalla para a Escola Hungaresa de Esgrima en Portugal
Por Redacción |