Clara rompe o ligamento cruzado do seu xeonllo e di adeus á tempada co Poio Pescamar
Por Diego Espiño
Duro golpe para o Poio Pescamar, que ao seu mal momento deportivo na Primeira División, con catro derrotas consecutivas, suma a perda dunha das súas xogadoras polo que resta de campaña.
Clara Rodríguez non poderá volver xogar este curso despois de confirmarse os peores prognósticos sobre a lesión no seu xeonllo que se produciu no último partido de liga, na cancha do Futsi Atlético Navalcarnero.
En concreto Clara rompeu o ligamento cruzado anterior, o que supón un tempo estimado de baixa entre os 6 e os 8 meses. Así se observa na resonancia magnética á que foi sometida este luns en Vigo.
Segundo informa o Poio Pescamar, está previsto que a futbolista sexa operada o próximo 18 de febreiro no Hospital QuirónSalud Miguel Domínguez de Pontevedra.
Trátase da segunda lesión grave que sofre o conxunto vermello esta tempada, trala de Antía Pérez, e chega nunha semana na que está en xogo a clasificación para a final a 4 da Copa da Raíña. A directiva valora agora acudir ao mercado e busca xa opcións tanto nacionais como internacionais para reforzarse e poder afrontar coa maiores garantía posibles os últimos meses de competición.
Relacionadas:
-
Mercado reducido para o Poio Pescamar na súa procura de substituta para Clara, recentemente operada do xeonllo
Por Diego Espiño |
-
O Poio Pescamar aparca a Copa para tentar rexurdir na liga
Por Redacción |
-
O Poio Pescamar vence pola mínima ao Roldan e avanza á final four da Copa da Raíña
Por Redacción & Diego Torrado |
-
Unha praza na final four da Copa da Raíña está en xogo este sábado na Seca
Por Redacción |
-
Os cuartos de final da Copa da Raíña, unha cita coa historia para o Poio Pescamar
Por Redacción |
-
O Atlético Navalcarnero golea o Poio Pescamar, que suma a súa cuarta derrota consecutiva (7-1)
Por Redacción |
-
O Poio Pescamar, sen ideas, naufraga ante o Penya Esplugues e afástase do playoff (1-2)
Por Almu Dapena & Diego Torrado |
-
Antía Pérez empeza a conta atrás na súa recuperación tras ser operada con éxito da súa lesión de xeonllo
Por Redacción |