O Poio Pescamar, a confirmar a súa melloría en Murcia
Por Redacción
Superada a súa mala serie de resultados, o Poio Pescamar quere derrubar a última barreira que queda no seu irregular inicio de ano, gañar lonxe do pavillón da Seca.
As vermellas, clasificadas para a fase final da Copa da Raíña e tras romper a pasada xornada unha xeira negativa de catro partidos de liga perdidos de maneira consecutiva, buscan confirmar a súa reacción para consolidarse na quinta praza da táboa clasificatoria.
O rival este sábado (16:15 horas), a domicilio, será o UCAM Murcia, undécimo clasificado con 25 puntos, a 10 puntos do Poio.
O equipo adestrado por Raúl Jiménez deberá ter coidado co poderío ofensivo das murcianas, cuartas mellores realizadoras con 65 goles só por detrás de Futsi Atlético, Burela e Alcorcón, aínda que é un conxunto que tamén encaixa con facilidade (69 goles), o que parece vaticinar un encontro animado.
O Poio Pescamar afronta esta xornada coas baixas de longa duración das súas xogadoras Antía Pérez e Clara, lista á que se sumou a última hora Andrea Feijóo por precaución e por recomendación dos fisioterapeutas para tentar que se recupere por completo dos seus problemas físicos.
Relacionadas:
-
Nova derrota para un Poio Pescamar que non pode co UCAM Murcia (4-1)
Por Redacción |
-
Mercado reducido para o Poio Pescamar na súa procura de substituta para Clara, recentemente operada do xeonllo
Por Diego Espiño |
-
O Poio Pescamar recupera o sorriso en liga a conta do Alacante (2-0)
Por Manu Otero |